विराटनगरबाट १३ दिनदेखि बालिका बेपत्ता

0SHARES

१८ चैत्र २०७५ नेपाल टाईम्स

विराटनगर,चैत १८
विराटनगर–१४ निवासी एक बालिका १३ दिनदेखि बेपत्ता भएको भन्दै परिवारले उनको खोजीका लागि हारगुहार गरेका छन् । सोमबार विराटनगरमा पत्रकार सम्मेलन गरी पिता नागेश्वर साहले आफ्नी नाबालिका छोरी हराएको भन्दै खोजी गरिदिन आग्रह गरेका हुन् ।

विराटनगर-१३ स्थित बाल माविमा कक्षा ८ मा अध्ययनरत १४ बर्षीया छोरी ऋचा साह गएको चैत्र ५ गतेदेखि सम्पर्कमा नआएका पिता नागेश्वर साहले बताए । छोरी सम्पर्कविहीन भई आफन्त र नातेदार सबैसँग खोजतलास गर्दा पनि नभेटिएपछि ६ गते इलाका प्रहरी कार्यालय रानीमा खोजतालसका लागि उजुरी दर्ता गरेपनि अहिलेसम्म प्रहरीले केही जानकारी नदिएको र बाबुआमा खोध्न जादा खोजी हुदैछ भनेर यत्तिकै टार्ने गरेको पत्रकार सम्म्ेलनमा नागेश्वरले बताए ।

ठेला गाडीमा घरघरमा गई प्रेसर कुकर, ग्याँस चुलो बनाउदै आएका आमा बाबु अहिले छोरी हराएपछि तनाबमा छन् । उनीहरुले छिमेकी संजय राउतका साला ३० बर्षीय दिपक राउत पनि सोही दिनदेखि हराएको हँुदा उसैले छोरी बेपत्ता बनाएको पत्रकार सम्मेलनमा जानकारी गराए । प्रहरीलाई दिएको उजुरीमा सबै कुरा उल्लेख गरेपनि अहिलेसम्म छोरी पत्ता लाग्न नसक्नुले प्रहरीले खोजतलासमा पनि वेवास्ता गरेको अभिभावकले गरेका छन् । उनीहरुले छोरीलाई छिटोभन्दा छिटो खोजी दिन आग्रह गरेका छन् ।

विज्ञापन बक्स