विराटनगरमा एनआईसीका एकै दिन तीन शाखा विस्तार

२५ भाद्र २०७६

२५ भदौ, विराटनगर ।

एनआईसी एशिया बैंकले विराटनगर महानगरपालिकामा थप ३ वटा शाखा संचालनमा ल्याएको छ ।

सो बैंकले विराटनगरको मेनरोड,रोडशेषचोक र हाटखोलामा नयाँ शाखा संचालनमा ल्याएको हो । ती शाखाहरुमध्ये मेनरोड र रोडशेषचोक शाखाको विराटनगर महानगरपालिकाका मेयर भीम पराजुली र हाटखोला शाखाको मोरङका प्रमुख जिल्ला अधिकारी मदन भुजेलले उदघाटन गरे ।

थप ३ वटा शाखा संचालन संगै एनआईसी एशिया बैंकको विराटनगरमा शाखा संख्या ६ पुगेको छ । मेनरोड शाखाको उदघाटन गदै विराटनगर महानगरपालिका मेयर पराजुलीले बैंकले निम्न आयस्तर भएका ब्यक्ति तथा कृषकहरुको क्षेत्रमा लगानी गर्न ब्यवस्थापन समितिलाई आग्रह गरे ।

ग्राहकहरुको सुविधालाई ध्यानमा राखेर नगरक्षेत्रमा थप शाखाहरु संचालनमा ल्याइएको एनआईसी एशिया बैंकका प्रादेशिक प्रमुख दीपक थापाले बताए ।

एनआईसी एशिया बैंक देशभरिमै सबभन्दा बढी शाखा सञ्जाल भएको बैंककोरुपमा स्थापित भइसकेको छ ।

सो बैंकले मुलुकभर २ सय ९८ शाखा,३ सय ५४ वटा एटिएम र ५८ वटा एक्सटेन्सन काउन्टर तथा ४१ वटा शाखारहित कार्यालयहरुबाट बैंकिङ सेवा उपलब्ध गराउदै आएको छ । सो बैंकको १८ बढी ग्राहकहरु रहेको जनाइएको छ ।

Facebook Comments

विज्ञापन बक्स