विराटनगरमा पुस १ गतेदेखि जुत्ता चप्पल मेला

0SHARES

२९ मंसिर २०७६ नेपाल टाईम्स

२९ मंसिर, विराटनगर ।
स्वदेशी जुत्ता चप्पलको प्रवद्र्धन गर्ने उद्देश्यले विराटनगरमा विराट फुटवयर एक्स्पो नाम दिइएर (विराट जुत्ता चप्पल मेला) आयोजना हुने भएको छ । ‘स्वदेशी जुत्ता चप्पलको प्रवद्र्धन हाम्रो अभियान ’ भन्ने मुल नाराका साथ विराटनगर–७ स्थित जैन भवनमा पुस १ गतेदेखि मेला सञ्चालन गर्न लागिएको हो ।

नेपाली जुत्ताघर प्रा.लिको आयोजनामा हुन लागेको मेलामा नेपाली चर्चित ब्राण्डका जुत्ता चप्पलहरु राखिने आइतबार विराटनगरमा आयोजित पत्रकार सम्मेलनमा आयोजकले जानकारी गराएको छ । नेपाली जुत्ता हरेक नेपालीको पहुँचसम्म पुर्याउन उपभोक्ताहरुलाई नेपाली जुत्ता चप्पल उद्योगको बारेमा जानकारी गराउने, उत्पादित वस्तुको बारेमा उपभोक्ताहरुमा जानकारी गराउने, उत्पादन गुणस्तरको बारेमा उपभोक्तालाई जानकारी गराउने उद्देश्यले मेला आयोजना गर्न लागिएको नेपाली जुत्ता घरका अध्यक्ष होमनाथ उपाध्यायले जानकारी दिए ।

३ हजार भन्दा बढी मोडलका जुत्ता चप्पल एकै ठाउँमा हेर्न र खरिद गर्न सकिने मेलामा एक सय रुपैयाको चप्पलदेखि १० हजार रुपैँयासम्मको जुत्ता राखिने आयोजकले जनाएको छ । मेलामा शिखर सुज, वि.एफ डियर हिल सुज, रन सुज, शु लैण्ड, लैण्ड वाक, हाईलाईफु सुज एण्ड स्लिपर ब्राण्डका जुत्ता चप्पलहरु राखिने छ भने हरेकको खरिदमा १५ देखि ६० प्रतिशतसम्म छुटको व्यवस्था गरिने उपाध्यायले बताए । ५० हजार जोर जुत्ता कारोबार गर्ने लक्ष्य राखिएको सो मेलामा १ लाख पचास हजारले अवलोकन गर्ने र १ करोड ५० लाख रुपैंयाको कारोबार हुने अपेक्षा राखिएको छ । १५ दिनसम्म चल्ने मेलाको प्रदेश १ का उद्योग पर्यटन वन तथा वातावरणमन्त्री जगदीशप्रसाद कुसियतले उद्घाटन गर्ने पनि उपाध्यायले बताए ।

१० ब्राण्डहरु सहभागी नेपाली जुत्ता घर २०६६ सालदेखि सुरु भएको हो । नेपाली जुत्ता घरले विभिन्न ठाउँमा फुटवयेर एक्स्पोको आयोजना गर्दे आएको छ । स्वदेशी बजारमा लोकप्रिय बन्दै गएका नेपाली जुत्ता चप्पल हाल विदेशमा निर्यात समेत हुँदै आएका छन् । व्यापार तथा निकासी प्रवद्र्धन केन्द्रका अनुसार आर्थिक वर्ष २०७५÷०७६ को साउनदेखि माघ सम्ममा ७४ करोडका जुत्ता निकासी भएका छन् । नेपाली जुत्ता घरले गतवर्ष पनि विराटनगरमा जुत्ता चप्पल मेलाको आयोजना गरेको थियो ।

विज्ञापन बक्स