विराटनगर लगायत पुर्वका केही ठाउँहरुमा पानी पर्दै,वर्षा अझै केही दिन लम्बिने

0SHARES

११ माघ २०७५ नेपाल टाईम्स

विराटनगर, माघ ११
पश्चिमी वायुको प्रभावले देशका अधिकांश स्थानमा वर्षा र हिमपात भइरहेको छ । हिमाली भेगमा बाक्लो हिमपातले गर्दा जनजीवन प्रभावित बनेको छ । आज बिहान पनि विराटनगर लगायत पुर्वका केही ठाउँहरुमा हल्का बर्षा भएको छ ।

आज दिउँसो पनि देशभर सामान्य देखि पूर्ण बदलि भई पश्चिमि क्षेत्रका अधिकांश स्थानहरुमा हल्का देखि मध्यम तथा मध्य र पूर्वी क्षेत्रका केहि स्थानहरुमा हल्का वर्षाको संभावना रहेको मौसम विज्ञान विभागले जनाएको छ । मौसम विज्ञान विभागका अनुसार देशको हिमालि भेगका केहि स्थानहरुमा हल्का देखि मध्यम हिमपात हुने संभावना देखिएको छ ।

त्यस्तै राती पनि पश्चिम र मध्य क्षेत्रका थोरै स्थानहरुमा तथा पूर्वी क्षेत्रका केहि स्थानहरुमा हल्का वर्षाको संभावना छ भने हिमालि भेगका थोरै स्थानहरुमा हल्का देखि मध्यम हिमपात हुने संभावना रहेको छ ।शनिबार(भोली) र आईतबार पनि अधिकांश स्थानहरुमा सामान्यतया बदलि भई केही स्थानहरुमा हल्का वर्षाको संभावना रहेको छ भने हिमालि भेगका थोरै स्थानहरुमा हल्का हिमपात हुने संभावना रहेको छ ।

देशका अधिकांश भू–भागमा वर्षा र हिमपात भइरहेकाले तापक्रम घट्ने र चिसो बढ्नेछ । विराटनगरमा बिहीबार बेलुकाको न्युनतम तापक्रम १२ डिग्री सेल्सियस रहेको थियो भने बर्षा २ मिलिलिटर रहेको थियो ।

विज्ञापन बक्स