विश्व पावर लिफ्टिङमा स्वर्ण पदक बजेता रुप कार्कीको निधन

0SHARES

९ माघ २०७७ नेपाल टाईम्स

९ माघ, रुपन्देही ।

दुई पटकसम्म अन्तर्राष्ट्रिय विश्व पावर लिफ्टिङ खेलमा स्वर्ण पदक बजेता रुप कार्कीको निधन भएको छ । रुपन्देहीको तिलोत्तमा नगरपालिका भलवारीका ५२ वर्षीय कार्कीको बिहीबार निधन भएको पारिवारिक स्रोतले जनाएको छ ।

स्वास्थ्यमा समस्या देखिएपछि बुधवार बुटवलस्थित गौतम बुद्ध सामुदायिक मुटु अस्पतालमा उपचार हुन नसकेपछि थप उपचारका लागि काठमाडौँ लैजाने क्रममा मृत्यु भएको हो ।

डिभी परेर अमेरिका पुगेका रुप कार्कीले व्यावसायिक शक्तितोलन खेलका खेलाडीका रुपमा अमेरिकामा निकै ख्याति आर्जन गरेका थिए ।

कार्कीले दुई पटकसम्म अन्तर्राष्ट्रिय विश्व पावर लिफ्टिङ खेल स्वर्ण पदक जित्न सफल भएका थिए । सन् २०१७ मा विश्व पावर लिफ्टिङको मास्टर समूह अन्तर्गत उनले एटलाण्टाको जर्जियामा गोल्ड मेडल जित्न सफल भएका थिए

सन् २०१९ मा आयरल्याण्डमा भएको विश्व पावर लिफ्टिङ च्याम्पियनसिप मास्टर दुई अन्तर्गत कार्कीले स्वर्णपदक जित्न सफल भएका थिए । भारत्तोलक कार्कीले ४४–४९ बर्ष उमेर र २२० पाउण्ड वजन समूहमा सन् २०१७ मा सम्पन्न एटलान्टामा भएको युएसपीएल प्रतियोगितामा स्वर्ण पदक जितेका थिए ।

कार्की कृतिमरुपमा शारीरिक बल वृद्धि गर्न औषधि प्रयोग नगर्ने ड्रग टेस्टेड समेत खेलाडी थिए । कार्की अमेरिका आएदेखि नै भारोत्तोलनको नियमित प्रशिक्षणमा लागेका थिए ।

अमेरिकामा झण्डै दुई दर्जनभन्दा बढी स्वर्ण पदक प्राप्त गरेका कार्की अन्तर्राष्ट्रिय ख्याति प्राप्त भारत्तोलकका रुपमा समेत परिचित रहेका थिए ।

उनको २ श्रीमती, १ छोरा र दुई छोरी रहेका छन् । आफूले सिकेको जानेको सीप नेपालमै लगाउने उद्देश्य राखेर नेपाल फर्किएका उनी संसारबाट नै बिदा भएका छन् । यससँगै उनका योजना पनि अपूरा भएका छन् ।

विज्ञापन बक्स