श्रीसंसारी माईस्थानमा प्रदेश मन्त्रीहरुले गरे सामूहिक पुजा

0SHARES

२४ असार २०७५ नेपाल टाईम्स

विराटनगर,असार २४
मोरङको पूरानो सदरमुकाम रंगेलीस्थित श्रीसंसारी माईस्थान मन्दिरमा प्रदेश नं.१ का मन्त्रीहरुले सामूहिक पुजाअर्चना गरेका छन् । प्रदेश नं.१ का आन्तरीक मामिला तथा कानुनमन्त्री हिक्मत कार्की, सामाजिक विकासमन्त्री जीवन घिमिरे, आर्थिक मामिला तथा योजनामन्त्री इन्द्र आङ्गवोले सामूहिक पूजाअर्चना गरेका हुन् ।

मन्त्रीहरुलाई मन्दिरका पुजारीहरुले स्वस्ती वाचन गरी विशेष पूजा गराएका थिए । सो क्रममा मन्त्रीहरुले राणाकालीन समयमा स्थापना भएको श्रीकाली मन्दिर तथा रंगेली अस्पतालसँगै नगरपालिकाको निरिक्षण गरेका थिए।

पूजाआजापछि आन्तरिक मामिला तथा कानुनमन्त्री कार्कीले मन्दिरप्रति भक्तजनहरुको विषेश आस्था भएकाले प्रदेशस्तरीय धार्मिक गन्तव्यका रुपमा विकासका लागि पहल गर्ने बताए ।

रंगेली नगरपालिकाका मेयर दिलीप वगडीयाले विगतमा राज्यले रंगेलीलाई सौतेनी व्यवहार गरेकाले रंगेली विकासको गतिमा पछाडी परेको बताएका थिए । उनले रंगेलीको विकासका लागि प्रदेश सरकारको ध्यानाकर्षणसमेत गराएका छन ।

विज्ञापन बक्स