सञ्जेललाई कार्यकक्षमा ‘नो इन्ट्री’

0SHARES

१२ पुष २०७५ नेपाल टाईम्स

विराटनगर : आफ्नो सरुवाको विरुद्ध सार्वजनिक रुपमा विरोधमा उत्रिएका श्रम कार्यलय विराटनगरका प्रमुख प्रेमप्रसाद सञ्जेललाई निमित्त पमुखले कार्यलय प्रवेशमा रोक लगाएका छन् ।

भ्रष्टाचार विरोधी छवि बनाएका सञ्जेलले सार्वजनिक रुपमा आफ्नो मानहानी गरेको बताउँदै निमित्त प्रमुख मणिनाथ गोपले हतारहतार रमाना पत्र तयार पारेर कार्यकक्ष प्रवेशमा रोक लगाएका हुन् ।

सञ्जेलले सोमबार पत्रकार सम्मेलन गरी मजदुरको पक्षमा काम गर्दा माफियाले आफ्नो सरुवा गरेको गुनासो गरेका थिए । सोमबार बिहान पत्रकार सम्मेलन गरी कार्यालय पुगेका सञ्जेललाई गोपले रमाना पत्र तयार भएकोले काम गर्न नमिल्ने बताएका थिए । रमाना पत्र तयार भएपछि सञ्जेलको नेम प्लेट नै हटाईएको छ ।

बुधबार पत्रकार सम्मेलन गरी गोपले रमाना पत्र बनाईसकेका कारण नेम प्लेट हटाईएको जानकारी दिए । गोपले भने ‘तपाइको सरुवा भईसकेको छ आफ्नो अफिसमा जानुहोस, म तपाईलाई यहाँ इन्ट्रि गर्न दिन्न ।’,आजको उद्घोष दैनिकमा छापिएको छ ।

विज्ञापन बक्स