सफ्टवेयरका माध्यमबाट सबै अस्पतालहरु नेटवर्कमा जोडिनुपर्नेमा जोड

0SHARES

२६ माघ २०७५ नेपाल टाईम्स

किशोर विश्वकर्मा
विराटनगर, माघ २६
निजि अस्पतालहरुको साझा संस्था एसोसिएसन अफ प्राईभेट हेस्थ इन्स्टीच्यूसन नेपाल(अफिन) प्रदेश नं. १ का अध्यक्ष डा शंकर अधिकारीले निजि अस्पतालहरुमा निशुल्क स्वास्थ्य सेवा लिन विरामी नै नआउने गरेको दावी गरेका छन् ।

हेल्दी लाइफ फाउण्डेसन र अफिनको आयोजनामा विराटनगरमा शुक्रबार सम्पन्न अन्तरकृया कार्यक्रममा बोल्दै निजि अस्पतालहरुमा अनिवार्य रुपमा गरिब, अति विपन्न विरामीका लागि निशुल्क स्वास्थ्य सेवा रहेपनी विरामीहरुने सेवा लिन नआउने गरेको दावी गरेका हुन् ।

उनले अस्पतालहरुलाई सफ्टवेयरको माध्यमबाट एउटे नेटवर्कमा जोड्ने हो भने सघन कक्ष खोज्दै अस्पताल÷अस्ताल चहार्नुपर्ने झन्झटबाट मुक्ति पाईने दावी गर्दै सफ्टवेयरका माध्यमबाट सवै अस्पतालहरुलाई नेटवर्कमा जोडिनुपर्ने बताए । उनले सफ्टवेयरका माध्यमबाट सवै विरामीको रेकर्ड राखिने हुँदा दोह¥याएर ल्याब टेस्ट गर्नुपर्ने बाध्यताको अन्त्य हुने बताए ।

कार्यक्रममा हेल्दी लाइफ फाउण्डेसनका महासचिव सीताराम भट्टराइले सबै स्वास्थ्य संस्थामा सफ्टवेरका माध्यमबाट बिरामीको रेकर्ड राखिनुपर्ने बताउँदै त्यसका लागि सवै अस्पतालले सफ्टवेयर प्रयोग गर्नुपर्ने बताए । उनले विद्युतीय हेल्थ रेकर्ड सिस्टमको अपरिहार्यता र महत्वका विषयमा प्रस्ट्याएका थिए ।

कार्यक्रममा प्रदेश नं. १ को सामाजिक विकास मन्त्रालयका प्रतिनिधि मुकुन्द दाहालले निजी अस्पतालहरुले एकिकृत डाटा निर्माणमा गरेको प्रयत्नमा सरकारले सहयोग पु¥याउने प्रतिवद्धता जनाए ।

प्रदेश नं. १ मा ५० भन्दा बढी स्वास्थ्य संस्था र अस्पतालका चिकित्सक, व्यवस्थापनका प्रतिनिधि र सञ्चालकहरुको सहभागिता रहेको सो कार्यक्रममा निजि अस्पताल सञ्चालकहरुले विरामीको एकीकृत रेकर्ड राख्ने आफुहरुको सपना पुरा गर्न सफ्टवेयरले सहयोग पु¥याउने विश्वास व्यक्त गरे ।

अस्पतालहरुमा विरामीको सम्पूर्ण जाँच र चिकित्सा सम्बन्धी रेकर्ड विद्युतिय माध्यमबाट राख्ने इलेक्ट्रोनिक्स मेडिकल रेकर्ड सिस्टमको अहिले बढ्दो छ । यसले अस्पतालको सेवा स्तर बृद्धि गर्नका साथै विरामीहरुले पारदर्शी ढंगले स्तरीय स्वास्थ्य सेवा प्राप्त गर्ने अवसरको सृजना गर्ने जनाइएको छ ।

विज्ञापन बक्स