सरकारप्रति जनतामा बितृष्णा बढ्योः गच्छदार

२४ भाद्र २०७६

२४ भदौ, विराटनगर ।

नेपाली कांग्रेसका उपसभापति विजयकुमार गच्छदारले सरकारप्रति जनतामा बितृष्णा बढेको बताएका छन् ।

उनले विभिन्न समयमा देशभरि देखिएको असन्तृष्टि मुलुकको राज्य ब्यवस्थाप्रति नभई सरकारप्रति भएको दाबी गरे ।

सुनसरीको इनरुवामा आयोजित कांग्रेसको दोश्रो चरणको जनजागरण अभियानमा सहभागि हुन विराटनगर आएका गच्छदारले विमानस्थलमा संचारकर्मीसंग कुराकानी गदै वर्तमान सरकारले जनअपेक्षा र संबिधान अनुसार काम गर्न नसकेको कारण जनतामा नैराश्यता छाएको दाबी गरे ।

उपसभापति गच्छदारले आफ्नो कमि कमजोरी लुकाउन राज्य ब्यवस्था प्रति षडयन्त्र भइरहेको भनेर सरकारले नै प्रचार–प्रसार गरेको आरोप समेत लगाए ।

उपसभापति गच्छदारले मुलुकमा प्रजातन्त्र,लोकतन्त्र र संघीयता स्थापित भइसकेकाले राज्य ब्यवस्था परिवर्तन हुने कुरा कल्पना समेत गर्न नसकिने बताए ।

पत्रकारले राखेको जिज्ञाशामा गच्छदारले आफुले नेपाली कांग्रेस छाडेर जाने वा अरु नै पार्टी खोल्ने कुरा भ्रामक र कपोलकल्पित भएको बताए ।

उनले नेपाली कांग्रेस र तत्कालिन फोरम लोकतान्त्रिकबीच भएको सहमति अनुसार जिल्ला,प्रदेश र केन्द्रमा नेता तथा कार्यकर्तालाई सहभागि गराउने छलफल चलिरहेको र त्यो बिषय चांडै टुंगिने दाबी समेत गरे ।

Facebook Comments

विज्ञापन बक्स