सरुवाविरुद्ध कडा अभिव्यक्ति दिएका सञ्जेलद्धारा तेस्रो पत्र

0SHARES

७ फाल्गुन २०७५ नेपाल टाईम्स

विराटनगर : समय नपुगी भएको आफ्नो सरुवाविरुद्ध कडा अभिव्यक्ति दिएपछि चर्चामा आएका नेपाल सरकारका उपसचिव प्रेमप्रसाद सञ्जेलले श्रम तथा रोजगार कार्यालय विराटनगरमा पुनर्बहालीको माग गर्दै तेस्रो पत्र लेखेका छन् ।

दुई पटक पत्र लेख्दा जवाफ नपाएपछि सोमबार सञ्जेलले सामान्य प्रशासन मन्त्री लालबाबु पण्डित, श्रम मन्त्रालयका सचिव र प्रधानमन्त्री कार्यालयलाई तेस्रो पत्र लेखेका हुन् । तेस्रो पटक पत्र उठाउँदै सञ्जेलले भने ‘नेपालमा एउटै विषयमा कतिपटक उजुरी गर्नुपर्छ ?’

कर्मचारी समायोजनमा उपसचिव सञ्जेल उद्योग मन्त्रालयमा परेका छन् । तर आफु नियोजितरुपमा सारिएको बताउँदै उनले साविककै मन्त्रालय मातहत रहेर काम गर्न पाउनुपर्ने माग गरेका छन् ।

निर्वाचन कार्यालयमा रहदा उद्योग मन्त्रालयमा सरुवा भएपछि अदालतबाट सरुवा बदर गरी निर्वाचन कार्यालयमै फर्किएको बताउँदै सञ्जेलले पुरानो अभिलेख देखाएर उद्योगमा समायोजन गरिएको गुनासो गरे ।

गत असोज १२ गते श्रम कार्यालय विराटनगरमा हाजिर भएका सञ्जेलको २ महिनापछि काज सरुवा भएको थियो । ,यो समाचार आजको उद्घोष दैनिकमा छापिएको छ ।

विज्ञापन बक्स