सर्वोच्चमा रिट हाल्न जाने सांसदको सङ्ख्या अझै बढ्छ : नेता दाहाल

412SHARES

९ जेठ, काठमाडौं ।

नेकपा माओवादी केन्द्रका अध्यक्ष पुष्पकमल दाहाल प्रचण्डले सर्वोच्च अदालतमा रिट लिएर जाने सांसदको सङ्ख्या एक सय ४९ भन्दा बढ्ने बताएका छन् ।

अध्यक्ष प्रचण्डले आइतवार सञ्चारकर्मीहरूलाई प्रतिक्रिया दिँदै शेरबहादुर देउवालाई प्रधानमन्त्रीमा समर्थन गर्दै हस्ताक्षर गर्ने एक सय ४९ सांसद सर्वोच्च अदालतमा रिट हाल्न जाँदा सङ्ख्या नघट्ने बताएका हुने । यो सङ्ख्या अझै बढ्ने उनले दाबी गरे ।

उनले भने , ‘आज हामीसँग एक सय ४९ प्लस अरू केही साथी पनि थपिनुभएको छ । रिटको तयारी भइराखेको छ । ड्राफ्ट अन्तिममा पुगेको छ, बेलुकासम्म त्यो टुङ्गिदैछ ।

शारीरिक रूपमा नै बहुमत उपस्थित भएर भोलि हामी अदालतमा रिट दर्ता गर्न जाने अन्तिम तयारी भएको छ । तपाईँहरू कोही कन्फ्युज नहुनुहोला, अस्ति एक सय ४९ मा हस्ताक्षर नगर्नेमध्ये पनि केही सांसद थपिनुभएको छ । घट्नुभएको छैन ।’

नेपाली कांग्रेसका वरिष्ठ नेता रामचन्द्र पौडेलले सबैको हस्ताक्षर सङ्कलन भइरहेको र भोलि बिहान १० बजे रिट दर्ता गरिने बताए ।

नेकपा माओवादी केन्द्रका नेता वर्षमान पुनले पनि आजै सबैले हस्ताक्षर गरिसकेको र बहुमत पुगिसकेको बताउनुभयो । यो सङ्ख्या अझै बढ्ने पनि उनले बताए ।

छुटाउनुभयो कि?

सम्पूर्ण