सवारी दुर्घटनामा परी २ जनाको मृत्यु

0SHARES

५ कार्तिक २०७६ नेपाल टाईम्स

५ कार्तिक, झापा । झापाका २ छुट्टाछुट्टै स्थानमा भएको सवारी दुर्घटनामा परी २ जनाको मृत्यु भएको छ ।

सोमबार राती ८ दुधेबाट शिवगंजतर्फ जादै गरेको मे २ प ३५३९ नम्बरको मोटरसाईकले पैदल यात्री झापाको बुद्धशान्ति गाउँपालिका ३ बस्ने बर्ष ४२ को ईन्द्रबहादुर दंगाललाई ठक्कर दिंदा घाईते भएका दंगालको उपचारको क्रममा मृत्यु भएको हो । उनको बि. एण्ड .सि.अस्पताल बिर्तामोडमा मृत्यु भएको ईलाका प्रहरी कार्यालय झिलझिलेले जनाएको छ ।

मोटरसाईकल र मोटरसाईकल चालक झापाको शिवसताक्षी नगरपालिका–७ बस्ने वर्ष २१को रेमबहादुर बानियाँलाई इलाका प्रहरी कार्यालय झिलझिलेले नियन्त्रणमा लिएको छ । यसैगरी झापाको कमल गाउँपालिका–३ कमल पुलछेउमा बस आफै अनियन्त्रित भइ पल्टिदा १ जनाको मृत्यु भएको छ भने १ जना गम्भिर घाईते भएका छन् ।

सोमबार राती पौने १२ बजे पूर्वबाट पश्चिमतर्फ आउँदै गरेको मे १ ख ३०८७ नम्बरको बस आफै अनियन्त्रित भएर पल्टिएको जानकारी पाउना साथ तत्काल प्रहरी चौकी केरखा र ईलाका प्रहरी कार्यालय दमकको प्रहरी टोलीले दुर्घटनामा परेर गम्भिर घाईते भएका झापाको दमक नगरपालिका–८ बस्ने वर्ष २६ को शंकर पौदार र सोही नगरपालिका–१ बस्ने बर्ष २६ को पप्पु चौधरीलाई उपचारका लागी लाइफलाइन अस्पताल दमक पठाएकोमा शंकर पौदारको बाटैमा मृत्यु भएको ईलाका प्रहरी कार्यालय दमकले जनाएको छ ।

दुर्घटना भएको बस प्रहरी चौकी केर्खाको नियन्त्रणमा रहेको छ भने बसका चालक र सह–चालक फरार रहेकाले खोजतलास कार्य भईरहेको ईलाका प्रहरी कार्यालय दमकले जनाएको छ ।

विज्ञापन बक्स