सशस्त्रका उपरीक्षक र सिडिओको ज्यान लिने जीपका चालक अनुसन्धानमा, करोडौं सम्पत्ति भेटियो

0SHARES

११ फाल्गुन २०७५ नेपाल टाईम्स

बारा: बाराका प्रमुख जिल्ला अधिकारी गणेश भट्टराई र सशस्त्र प्रहरी उपरीक्षक बलराम पोखरेल सवार जीप चालक अहिले ज्यान मुद्दामा प्रहरी नियन्त्रणमा छन्। उनले चलाएको जीप दुर्घटनामा सीडीओ भट्टराई र एसपी पोखरेलको ज्यान गएको थियो। तिनै चालक नारायण राउत कुर्मीकी पत्नी प्रेमशीलादेवीको नाममा करोडौंको घर र जग्गा रहेको खुल्न आएको छ।, आजकाे नागरिक दैनिकमा खबर छ ।

सविक ब्रह्मपुरी १ हाल कलैया उपमहानगरपालिका १७ निवासी कुर्मी सीडीओको गाडी चालक हुनुअघि अन्यत्र पनि चालक नै थिए। उनले सीडीओको गाडी चलाउन थालेको २३ वर्ष भयो। यस अवधिमा उनले पत्नी र आफन्तको नाममा २५ करोडभन्दा बढीको सम्पत्ति जोड्न सफल भएका त्यहाँका स्थानीयले बताएका छन्।

उनलाई नजिकबाट चिन्नेहरूले उनले आर्जन गरेको सम्पत्ति जिल्ला प्रशासन कार्यालयको चालक भएपछि कमाएको बताउँछन् । कुर्मीले श्रीमती प्रेमशीलाको नाममा कलैया, उत्तरझिटकैया र ब्रह्मपुरीमा गरी करोडौं मूल्य पर्ने घडेरी र खेत किनेको फेला पर्न आएको छ  ।

विज्ञापन बक्स