सह–चालकले चलाएको गाडीको ठक्करबाट इटहरीमा साइकलयात्रीको मृत्यु

0SHARES

२८ पुष २०७६ नेपाल टाईम्स

२८ पुस, सुनसरी।
सुनसरीको इटहरी उप महानगरपालिका–५ पिपलचोकमा सेप्टिट्याङकी बोकेको गाडीको ठक्करबाट एक साइकल यात्रीको मृत्यु भएको छ । पिपलचोकको भित्रि सडक खण्डमा सोमबार मध्यान्न को १ ख ७१२१ नम्बरको सेप्टिट्याङकी गाडीले साईकल यात्री इटहरी उपमहानगरपालिका ४ हलगडा बस्ने २६ वर्षकी सुनिता कार्कीलाई ठक्कर दिएको थियो ।

ठक्करबाट घाईते भएकी उनलाई उपचारको लागि बिराट नर्सिङहोम ल्याईकोेमा उपचारको क्रममा उनको मृत्यु भएको हो । सेफ्टिट्याङ्की बोकेको गाडीका चालक इटहरी ५ का ३८ वर्षीय राजन तोलाङ्गेलाई १ नम्बर प्रदेश ट्राफिक प्रहरी कार्यलय इटहरीले नियन्त्रणमा लिएको छ ।

घटनाका समयमा सहचालकले चलाएको खुल्न आएपछी सह–चालक रामधुनि ३ का ४९ वर्षीय प्रेमबहादुर खड्कालाई समेत नियन्त्रणमा लिईएको प्रहरीले जनाएको छ ।

विज्ञापन बक्स