साउदीबाट नेपाली ल्याउन जुन १५ मा हुने भनिएको उडान स्थगित

0SHARES

३२ जेष्ठ २०७७ नेपाल टाईम्स

योगेन्द्र योगी
३२ जेठ, दोहा ।

साउदी अरवबाट आगामी जुन १५ का दिन हुने भनिएको हिमालय एयरलाइन्सको उडान स्थगित भएको साउदीस्थित नेपाली दूतावासले जनाएको छ ।

दूताबासका अनुसार वायुसेवाको नयाँ उडान र मिति तथा नयाँ हवाई भाडादरका बारेमा अर्को सुचना प्राप्त हुनासाथ जानकारी दिइने जनाएको छ ।

हवाई उडानका लागि आवश्यक पर्ने पिसिआर वा आरडीटी जस्ता स्वास्थ्य सम्बन्धी परीक्षण पनि हाललाई नगर्न अनुरोध गरिएको दूताबासले जनाएको छ ।

यस अघि दूताबासले साउदीबाट जुन १५ देखि १८, १९ र २४ मा उडान हुने दूताबासले जनाएको छ । तत्कालको लागि साउदीको रियाद, दमाम, र जेद्धा शहरबाट चार्टर उडान मार्फद स्वदेश फर्कन सकिने जनाएको थियो ।

दूतावासका अनुसार तत्काल २५ सय भन्दा बढि नेपालीलाई स्वदेश फर्काउनु पर्ने अवस्था छ भने १० हजारभन्दा बढीले स्वदेश फर्कन पाऊँ भन्दै फारम भनेको दूताबासले जनाएको छ । साउदीमा करिब तीन लाख बीस हजार नेपाली कामदार कार्यरत रहेका छन् ।

विज्ञापन बक्स