साउनको अन्तिम सोमबार केशलियामा जल भर्नेको भीड

२७ श्रावण २०७६

साउन २७, विराटनगर । साउन महिनाको अन्तिम सोमबार विराटनगरस्थित केशलिया खोलामा जल भर्ने श्रद्धालुको भीड लागेको छ ।

विराटनगर १२ बखरीस्थित केशलिया खोलामा पवित्र स्नान गरेर विराटनगरका श्रद्धालुले स्थानीय शिव मन्दिरहरुमा जल अर्पण गरेका छन् । सो खोलाबाट जल भरेका अधिकांश श्रद्धालुले विराटनगर १५ जुट मिल छेउमा रहेको नर्मदेश्वर शिव मन्दिरमा जल चढाएका छन्।

नर्मदेश्वर शिव मन्दिर समितिले गतबर्षबाट ब्यवस्थितरुपमा बोलबम मेलाको आयोजना गर्दै आएको छ । समितिले गएको बर्षबाट केशलिया खोलाबाट बाजागाजासहित जल भर्ने परिपाटि चलाएपछि श्रद्धालु त्यसतर्फ आर्कषित भएको नर्मदेश्वर शिव मन्दिर समितिका अध्यक्ष सुरेन्द्र बरालले जानकारी दिए ।

यसबर्ष ५ हजार बढी श्रद्धालुले केशलिया खोलामा स्नान गरेर जल ल्याएको उनको भनाई छ । खोलाबाट जल भर्न सबै बर्ग समुहका श्रद्धालुहरु गेरु बस्त्र लगाएर बाजागाजा सहित केशलिया खोलासम्म पुगेका थिए ।

खोलाबाट जल भरेर फर्किएका श्रद्धालुलाई स्थानियबासीले चिसो सर्बत र पानी वितरण गरेका थिए । त्यहांबाट जल भरेका श्रद्धालुले नर्मदेश्व शिव मन्दिर सहित,बनसखण्डी,बाबा बासुकीनाथ धाम र विराटेश्वर मन्दिर लगायतका शिव मन्दिरहरुमा समेत जल चढाएका छन् ।

साउन महिनाको सोमबार भगवान शिवलाई जल पुण्य प्राप्ति हुने धार्मिक विश्वास छ ।

Facebook Comments

विज्ञापन बक्स