सौर्य एयरलाईन्सको विमानमा चरा ठोक्कियो

0SHARES

१ आश्विन २०७५ नेपाल टाईम्स

विराटनगर,असोज १
निजीक्षेत्रको बायुसेवा कम्पनी सौर्य एयरलाईन्सको विमान ग्राउण्डेड भएको छ । सोमबार विहान उडिरहेको सो कम्पनीको विमानमा चरा ठोक्किएपछि विमान ग्राउण्डेड भएको हो ।

आज बिहान काठमाण्डौबाट विराटनगरका लागि ८.३० मा उडेको सौर्य एयरलाइन्सको फ्लाईट नम्बर ७२१ मा चरा ठोक्किएको थियो । चरा ठोक्किएपनि विराटनगर विमानस्थलमा सफल अवतरण गरेको विमान त्यसपछि भने ग्राउण्डेड गरिएको सो कम्पनीका प्रमुख बजार ब्यवस्थापक मुकेश खनालले जानकारी दिए ।

चरा ठोक्किएका कारण सो बिमानको देब्रे पंखामा क्षति पुगेको उनले बताए । हाल विमानको प्राबिधिक परीक्षणका लागि इनजीनियरहरु खटाइसकिएको बताउदै उनले सम्पुर्ण परीक्षण र मर्मतपछि उडान शुरु गरिने बताए । चरा ठोक्किएको विमानमा ४८ जना यात्रु र ४ जना क्रुमेम्बर सहित ५२ जना सवार थिए ।

विज्ञापन बक्स