स्वदेश फर्कनुपर्ने नेपालीको कोरोना जाँच गर्ने तयारी

0SHARES

२२ जेष्ठ २०७७ नेपाल टाईम्स

योगेन्द्र योगी
२२ जेठ, दोहा ।
कतारबाट नेपाल फर्कनुपर्ने नेपालीको कोरोना जाँचका लागि छिट्टै प्रवन्ध मिलाउने कतारस्थित नेपाली दूतावासका द्वितीय सचिव प्रवीण भट्टराईले जानकारी दिएका छन् ।

नेपाल फर्कने नेपालीको कोरोना जाँचको विकल्पबारे नेपाल सरकार र कतार सरकारका विभिन्न निकायबीच समन्वय भइरहेको समेत उनले बताए ।

कोरोनाको कारण समस्यामा परेर स्वदेश फर्कन पर्ने अवस्थामा रहेका नेपालीसँग स्वदेश फर्कनका लागि साथमा कोरोना जाँचको रिपोर्ट हुनेपर्ने प्रावधान भएकाले परदेशमा कोरोना कहाँ जाँच गराउने भन्नेबारे श्रमिकहरुले मंगलबार दूताबासले दूताबासको फेसबुकमा राखेको सूचनामा ब्यापक गुनासो राखेका थिए ।

स्वदेश फर्कन पर्ने नेपालीको प्राथमिकताको आधारमा नेपाल सरकारले उद्दार गर्दै छ । कतारमा पछिल्लो २४ घण्टामा ५,३३९ जनामा गरिएको परीक्षणमा १९०१ जनामा सङ्क्रमण देखिएको छ भने १,५०६ जना उपचारपछि निको भएर घर फर्किएका छन् ।

कतारमा सङ्क्रमितको सङ्ख्या ६२ हजार १६० पुगेको छ । उपचारपछि निको हुनेको सङ्ख्या ३७ हजार ५४२ पुगेको छ भने बुधबार थप २ जनाको मृत्यु भएसँगै मृतकको सङ्ख्या ४५ पुगेको छ ।

यता, कतारले कोरोना रोकथाम सम्बन्धी लगाएको प्रतिबन्ध केहि खुकुलो पार्ने भएको छ । बुधबार बसेको मन्त्री परिषदको बैठकले जुन ४ देखि देखि निजि सवारीमा चार जना सम्मलाई यात्रा गर्न दिने निणर्य भएको छ ।

विज्ञापन बक्स