स्विट्जरल्यान्डकाे उच्च प्रदर्शनमा ब्राजिल पनि बराबरीमा रोकियो

0SHARES

४ असार २०७५ नेपाल टाईम्स

विराटनगर ः विश्वकप अन्तर्गतको हिजोको खेलमा उपाधि दाबेदार मानिएको ब्राजिलले पनि बराबरीका साथ विश्वकपको सुरुवात गरेको छ ।
ब्राजिलका लागि फिलिपे काउटिन्हाले २० औँ मिनेटमा पेनाल्टी बक्सको बाहिरबाट गरेको उत्कृष्ट गोल अन्तिम सम्म जोगाउन नसक्दा स्विट्जरल्यान्डसँग १–१ को बराबरीमा रोकिएको हो ।

साविक विजेता जर्मनी मेक्सिकोसँग स्तब्ध भएको दिन नेयमारबाट उच्च प्रदर्शनको अपेक्षा गरिएको ब्राजिलले पहिलो हाफमा काउटिन्होको गोलमा लिएको अग्रता जोगाउन सकेन ।

स्टेभन जुबेरले ५० औं मिनेटमा बराबरी गोल गर्दै ब्राजिललाई निराश बनाएका थिए । कर्नरबाट आएको बलमा उनले नजिकबाट हेड गोल गरेका थिए ।

ब्राजिलका लागि नेयमारले केहि प्रयास गरे पनि सफल हुन सकेनन् । समूह इको यसअघि भएको अर्को खेलमा सर्बियाले कोस्टा रिकालाई १–०ले हराएको थियो । सर्बिया ३ अंकका साथ शीर्ष स्थानमा रहँदा ब्राजिल र स्विट्जरल्यान्डको समान १ अंक छ । कोस्टा रिका अंक विहिन छ ।
आइसल्यान्डका खेलाडीले लियोन मेस्सीलाई चल्न नदिएको भोली पल्ट ब्राजिलियन स्टार नेयमारलाई पनि स्विट्जरल्यान्डका रक्षकले उच्च प्रदर्शन गर्नबाट रोकेका थिए ।शनिबार पहिलो पटक विश्व कप खेलिरहेको आइसल्यान्डसँग मेस्सीको अर्जेन्टिना पनि १–१ को बराबरीमा रोकिएको थियो ।

विज्ञापन बक्स