हुरी पिडितलाई मोरङका उद्योगीको राहत

0SHARES

२६ चैत्र २०७५ नेपाल टाईम्स

२६, विराटनगर
मोरङ व्यापार संघले बारा र पर्साका हावाहुरी पीडितहरुका लागि राहत सामाग्री पठाएको छ । मंगलबार साँझ मोरङ व्यापार संघले वितरणका लागि राहत सामाग्री तरुण दल मोरङको टिमलाई हस्तान्तरण गरेको हो ।

हावाहुरी पिडितलाई मोरङ व्यापार संघले १९ सय केजी चामल, २ सय केजी दाल, ४ सय २० थान साबुन, २ सय पोका खाने तेल,२ सय केजी नुन, ३ सय केजी आलु, ५० केजी प्याज, १ सय २० जोर चप्पल,बिस्कुट, चाउचाउ लगायतको सामाग्री हस्तान्तरण गरेको छ । मोरङ व्यापार संघका अध्यक्ष पवन सारडा, प्रकाश मुन्दडा, अनिल साह, उद्योगी महेश जाजु,लगायतले उक्त सामाग्री प्रदेश १ की सांसद विन्दिया कार्की, तरुण दल मोरङका अध्यक्ष संजय प्रभाकर थापा, कोषाध्यक्ष अनिल रिजाल, तरुण दल

विराटनगर महानगर अध्यक्ष सन्तोष न्यौपाने लगायतलाई हस्तान्तरण गरे । प्राकृतिक विपत्तिमा परेका बारा पर्साका पिडितका लागि सानो सहयोग गरेको सारडाले बताए । बुधबार बिहानै तरुण दलको टिम थप सामाग्रीहरु झुल,तन्ना, लाइट, कपडा , चप्पल लगायतका लिएर बारा र पर्साका हावाहुरी पिडित साढे ३ सय घरपरिवारलाई राहत सामाग्री प्रदान गर्न जाने अध्यक्ष थापाले जानकारी दिए ।

विज्ञापन बक्स