२४ कार्तिक, काठमाडौं ।
एक सय २२ किलो गाँजासहित एक जनालाई मकवानपुर प्रहरीले पक्राउ गरेको छ । पक्राउ पर्नेमा मकवानपुरको राक्सिराङ गाउँपालिका–२ का ४२ वर्षीय नरबहादुर मोक्तान छन्।
विशेष सूचनाका आधारमा जिल्ला प्रहरी कार्यालय मकवानपुरबाट खटिएको प्रहरी टोलीले मोक्तानलाई मनहरी गाउँपालिका–९ को जयसिंहस्थित पूर्वपश्चिम राजमार्गबाट बुधबार बिहान पक्राउ गरेको हो।
उनीबाट प्याक गरेर भारततर्फ पठाउने तयारी गरेर राखिएको एक सय २२ किलो गाँजा बरामद भएको छ।