१२ वर्षीया बालिकाको बलात्कारपछि हत्या

0SHARES

१० आश्विन २०७७ नेपाल टाईम्स

१० आश्विन, बझाङ ।
बझाङको मष्टा गाउँपालिकाकी १२ वर्षीया बालिकाको बलात्कारपछि हत्या गरिएको भन्दै उनका हजुरबुवाले शुक्रबार जिल्ला प्रहरी कार्यालयमा किटानी जाहेरी दिएका छन् ।

बुधबार साँझ गोठमा गाईवस्तुलाई घाँस हाल्न हिँडेकी बालिका गाउँकै शिव मन्दिरमा मृत फेला परेकी थिइन् । बालिका शरीरको तल्लो भागमा लुगा नभएको र यौनांगमा रगत बगेको अवस्थामा भेटिएकी थिइन् । प्रहरीले बिहीबार स्थानीय राजेन्द्र बोहरालाई पक्राउ गरेको थियो ।

शुक्रबार बालिकाका हजुरबुवाले राजेन्द्रविरुद्ध जबर्जस्ती करणी गरी हत्या गरेको अभियोगमा किटानी जाहेरी दिएको जिल्ला प्रहरी कार्यालयका डिएसपी रूपक खड्काले बताए । ‘किटानी जाहेरी दर्ता भइसकेको छ । घटनाको तीव्र रूपमा अनुसन्धान भइरहेको छ । अब अपराधी उम्केर भाग्न सक्दैन,’ डिएसपी खड्काले भने ।

बालिकाको हत्या भएको खबर पाएपछि डिएसपी खड्काको टोली घटनास्थल पुगेको थियो । घटना प्रकृति हेर्दा बलात्कारपछि हत्या गरिएको देखिएको उनले बताए ।

विज्ञापन बक्स