​यौनजन्य क्रियाकलापमा लगाएको आरोपमा पक्राउ

0SHARES

२६ पुष २०७४ नेपाल टाईम्स

झापा, पुस २६
युवतीलाई यौनजन्य क्रियाकलापमा लगाएको आरोपमा झापाका एक होटल सञ्चालकलाई प्रहरीले पक्राउ गरेको छ । युवतीलाई यौन जन्य कृयाकलापमा संलग्न गराएको आरोपमा प्रहरीले झापा अर्जुनधारा नगरपालिका–११ स्थित एवान होटल एण्ड लजका सञ्चालक राजकुमार सिटौलालाई पक्राउ गरेको हो ।

सिटौलालाई पक्राउ गरी कारबाही शुरु गरेको इलाका प्रहरी कार्यालय अनारमनीले जनाएको छ । सिटौलाले विभिन्न तीन स्थानका युवतीलाई जबर्जस्ती यौनजन्य क्रियाकलापमा लगाएको आरोप लगाइएको छ । त्यसैगरी, उनीहरुले कमाएको चार लाख रुपैंया पनि उनले नदिएको बताइएको छ ।

ती युवतीले प्रहरीलाई दिएको जानकारीका आधारमा सिटौलालाई पक्राउ गरी प्रहरीले सार्वजनिक गरेको हो । सिटौलाले युवतीहरुलाई दिनभरि कोठामै राखी रातिको समयमा विभिन्न होटल एवं लजमा यौनजन्य कार्य गराउन लगाउने गरेको युवतीले बताएका छन् । यस अघि पनि झापाका विभिन्न स्थानहरुमा युवतीलाई जबरजस्ती यौन जन्य कृयाकलापमा संलग्न गराएको आरोपमा होटल सञ्चालकहरुलाई प्रहरीले पक्राउ गरेको थियो ।

विज्ञापन बक्स