​लागु औषधसहित महिला पक्राउ

0SHARES

९ माघ २०७४ नेपाल टाईम्स

दमक, माघ ९
ठूलो परिमाणको लागु औषधसहित एक महिलालाई झापाको दमकबाट प्रहरीले पक्राउ गरेको छ । विभिन्न लागु औषधसहित घरैबाट पक्राउ परेकी ३९ वर्षीया मञ्जु धिमाललाई इलाका प्रहरी कार्यालय दमकले लागुऔषध सहित सार्वजनिक गरेको हो ।

गत माघ ६ गते दमकको वडा नं १ स्थित पानी ट्याङ्कीबाट उनलाई प्रहरीले १२ एम्पुल र घरमा लुकाई राखेको ३ सय ३६ एम्पुल फेनारगन, डाइजापाम र लुपिजेसिक लागूऔषध नियन्त्रणमा लिएको थियो ।

धिमाल लागूऔषध व्यवसायी रहेको प्रहरी नायब उपरीक्षक दिपक गिरीले दाबी गरेका छन् । धिमालले लामो समयदेखि भारतीय नाका हुँदै प्रतिबन्धित लागूऔषध नेपाल भित्र्याउने र घरबाटै यसको बिक्री वितरण गर्ने गरेको गिरीले बताए ।

धिमालविरुद्ध प्रहरीले लागूऔषध ओसारपसार तथा बिक्री वितरणसम्बन्धी मुद्दामा थप अनुसन्धान अघि बढाइरहेको प्रहरीले जनाएको छ ।

विज्ञापन बक्स