३ चैत , काठमाण्डौ।
“नयाँ नेपाल बनाउने सपना देख्न छोड्नुभएको छ? म त्यही सपना पुनः ब्यूँताउन यहाँ उभिएको छु! झापाको होली बेल स्कुलका स्कुल क्याप्टेन अबिष्कार राउतको यी अभिब्यक्तिहरुले अहिले सामाजिक संजाल तातेको छ।
विद्यालयको बक्तृत्वकला प्रतियोगितामा उनले देश, बेरोजगारी र नेताहरुको जालमा नेपाली जनता फसिरहेको विषय उठान गर्दै अब परिवर्तनका लागि उठ्नु पर्ने आवाज दमदार रुपमा उठाएका छन् ।
जोशपूर्ण अग्रेंजी भाषाकोे यो भाषण उनको अनौठो र जोशपूर्ण शैलीका कारणसमेत भाइरल बनिरहेको छ। उनका शब्दहरूले हजारौं नेपालीको मन छोएको छ । उनले नेपाललाई मायालु आमासँग तुलना गर्दै सोधेका छन्, “के हामी आमालाई इमानदारी, परिश्रम र समर्पण दिन सकिरहेका छौँ?“ उनको आवाजले हजारौंलाई झक्झक्याएको छ!
“मेरो मनमा आशा र जोशको आगो बलिरहेको छ, तर यो सपना बिस्तारै मेटिँदै गएकोजस्तो लाग्छ,“ उनले भावुक हुँदै भनेका छन् “अब समय आएको छ अन्धकार चिरेर इतिहास बदल्ने!“ म भित्र आशा र जोशको आगो बाल्दैछ । तर मेरो मन भारी छ किन कि उनको सपना चिप्लिदै गएको जस्तो देखिन्छ । हाम्रो आमाले हाम्रो देशले हामीलाई जन्मदिनु भयो, पालनपोषण गर्नु भो, तर बदलामा के माग्छ ?
हाम्रो इमान्दारी हाम्रो परिश्रम मात्रै, हाम्रो योगदान, तर हामी के गर्दैछौं ? उनले नेपालीको विवशताको पनि उजागर गर्दै भनेका छन्, हामी बेरोजगारीको साङलोले बाधिएका छौं । अवसरहरुका रुपमा विदेश देखिरहेका छौं । हामी राजनीतिक दलहरुको स्वार्थी लाभको जालमा फसेका छौं । भ्रष्टचारले छाल उडाएको छ। जसले हाम्रो भविष्यको उज्यालो निभाइरहेको छ ।
उनले अब युवाहरु जाग्नु पर्ने बताउँदै भनेका छन्, युवा उठ, हामी परिवर्तनका वाहक हौं । यदि तपाईले हाम्रो आवाज उठाउनु भएन भने कसले उठाउछ ? यदि तपाईले यो राष्ट्र निर्माण गर्नुभएन भने कसले गर्छ ? हामी त्यो आगो हौं जसले अन्धकारलाई भष्म पार्नेछ ।
हामी त्यो आँधी हौं जसले अन्यायलाई हटाएर समृद्धि ल्याउनेछ । अब हामीले निर्णय गर्नुपर्छ । हामी निराशाको अन्धकारमा डुब्ने कि आशाको सूर्य बनेर उदाउने ? उनले प्रश्न गरेका छन् ।अविष्कार राउतको जोशपूर्ण भाषणले हजारौं नेपालीको मन छोइसकेको छ।
उनका ती शब्दहरू केवल विद्यालयको मञ्चमा सीमित रहेनन्, बरु परिवर्तनको चाहना बोकेर देशभर गुञ्जिएका छन्। बेरोजगारी, नेताहरूको चलखेल र देशको अवस्थाबारे उनले उठाएको प्रश्नहरू धेरै नेपालीको आत्मासँग जोडिएका छन्।
“नयाँ नेपाल बनाउने सपना फेरि देख्न सकिँदैन र? उनको आवाजले युवा पुस्तालाई पुनः सोच्न बाध्य बनाएको छ। अब प्रश्न केवल उनको भाषणको होइन, यो चेतनाको झिल्को कतिसम्म फैलिन्छ भन्ने हो। अबिष्कार राउतको भिडियो तपाईंलाई कस्तो लाग्यो? आफ्नो प्रतिक्रिया दिनु होला ।
