१४ भदौ , एजेन्सी ।
अबुधाबीको अन्तर्राष्ट्रिय विमानस्थलले विश्व रेकर्ड बनाउन लागेको छ । त्यहाँस्थित जायेद अन्तराष्ट्रिय विमानस्थल सन् २०२५ भित्र विश्कै पहिलो कागजातरहित विमानस्थल बन्ने भएको छ । विमानस्थले सम्पूर्ण प्रक्रिया बायोमेट्रिकमार्फत गर्ने भएको हो । यससँगै सन् २०२५ सम्म यो विमानस्थलबाट पासवर्ड, परिचयपत्र वा एयर टिकट न देखाएर नै यात्रा गर्न सकिनेछ ।
यसका लागि विमानस्थल प्रशासनले स्मार्ट ट्राभल प्रोजेक्टमा काम गरिरहेको छ । स्मार्ट ट्राभल प्रोजेक्ट बोडिङ प्रक्रियालाई बायोमेट्रिकसँग जोड्ने माध्यम हो । ‘सन् २०२५ सम्म जायेद अन्तराष्ट्रिय विमानस्थलले प्रत्येक चेक प्वइन्टमा कटिङ ऐज बायोमेट्रिकसहितको विश्वकै पहिलो कागजातरहित विमानस्थल बन्ने लक्ष्य लिएको छ ।’ विमानस्थलले लिङकेडेनमा लेखेको छ ।
व्यक्तिको पहिचानका लागि औँठाछाप, फेसियल प्वइन्ट, आँखा जस्ता अंगहरु प्रयोग गर्ने प्रक्रियालाई बायोमेट्रिक भनिन्छ । अहिले पनि विश्वका केही विमानस्थलहरुमा बायोमेट्रिकको प्रयोग भईरहेको छ । ७५ प्रतिशत यात्रुहरुले बोडिङ पासका लागि परम्परागत पासपोर्टको तुलनामा बायोमेट्रिक डेटालाई रुचाएको बताएका छन् ।
यस्तै अन्तर्राष्ट्रिय हवाई यातायात संघले पनि बायोमेट्रियक प्रयोग गरेका ४६ प्रतिशत यात्रुमा सन्तृष्टिको दर उच्च रहेको छ । अमेरिकाले पनि ९६ वटा अन्तराष्ट्रिय विमानस्थलको आगमन कक्षमा बायोमेट्रिक प्रयोग गरिरहेको छ । सीएनएनको रिपोर्टका अनुसार यसले मानिसहरूको लागि कतै जाने र आउने प्रक्रियालाई छिटो, सुरक्षित र सुविधाजनक बनाउनेछ।
यस्तो अवस्थामा यो प्रविधिलाई गेम चेन्जिङ मानिएको छ । यसबारे जानकारी दिँदै जाइदा अन्तर्राष्ट्रिय विमानस्थलका प्रमुख सूचना अधिकारी एन्ड्रयु मर्फीले कुनै पनि पूर्व दर्ता बिना नै बायोमेट्रिक सेन्सर डिजाइन गरिएको बताएका छन् । यस्तो अवस्थामा यात्रुहरु विमानस्थलको प्रवेश र निकास बिन्दुबाट जाँदा स्वतः यात्रुको पहिचान प्रमाणित हुनेछ ।
यो काम केहि सेकेन्डमा हुनेछ, जसले एयरपोर्टमा लाग्ने समय पनि कम गर्नेछ। यस्तो अवस्थामा यात्रुहरू १५ मिनेटभन्दा कम समयमै गेटमा पुग्छन् । उनीहरुको अनुभव अद्भुत हुनेछ। एन्ड्रयु मर्फीले भनेका छन् कि यो प्रविधि एयरपोर्टका केही भागहरूमा पहिले देखि नै प्रयोग भइरहेको छ।
इतिहाद एयरलाइन्सका उडानहरूले यसलाई पहिले नै प्रयोग गर्दै आएका छन्। जब कुनै पर्यटक यूएई जान्छन् उनीहरुको बायोमेट्रिक डाटा, नागरिकता आदिसँग सम्बन्धित जानकारी अध्यागमनको रूपमा लिइन्छ। अब यो डाटा प्रयोग गरेर विमानस्थलमा ती व्यक्तिको बायोमेट्रिक पहिचान गरिनेछ।