२५ साउन,एजेन्सी ।
पाकिस्तानका पूर्वप्रधानमन्त्री इमरान खानलाई तोशाखाना काण्डमा दोषी पाएपछि तीन वर्षको जेल सजाय भोग्नुभएको छ । अप्रिल २०२२ मा अविश्वासको प्रस्तावबाट सत्ता गुमाएका इमरानले सधैं आफ्नो भाग्यको लागि अमेरिकालाई दोष दिएका छन्। तर अब द इन्टरसेप्टको रिपोर्टलाई विश्वास गर्ने हो भने, उनले सत्य बोलेको जस्तो देखिन्छ ।
द इन्टरसेप्ट एक अमेरिकी गैर–लाभकारी समाचार संस्था हो। उसले केही स्रोतलाई उद्धृत गर्दै अमेरिकाको दबाबमा इमरानलाई सत्ताबाट हटाइएको बताएको छ । इन्टरसेप्टले दाबी गरेको छ कि पाकिस्तान सरकारका गोप्य कागजातहरूका अनुसार अमेरिकी विदेश मन्त्रालयले मार्च ७, २०२२ मा भएको बैठकमा पाकिस्तानी सरकारलाई इमरानलाई प्रधानमन्त्री पदबाट हटाउन आग्रह गरेको थियो ।
युक्रेनमा रुसी आक्रमणमा उनको तटस्थ अडानबाट अमेरिका खुसी थिएन। लीक भएको पाकिस्तानी सरकारी कागजातमा अमेरिकी अधिकारीहरूसँगको बैठकको एक महिनापछि संसदमा अविश्वासको प्रस्ताव ल्याइएको थियो । मतदानपछि इमरान खानको सरकार ढल्यो र उनले सत्ता छोड्नुप¥यो। यो मतदान पाकिस्तानको सबैभन्दा शक्तिशाली सेनाको सहयोगमा भएको मानिन्छ।
त्यसयता इमरान र उनका समर्थकहरू सेना र उसका सहयोगीहरूसँग भिड्दै आएका छन्। जसलाई खानले अमेरिकाको आग्रहमा सत्ताबाट हटाएको दाबी गर्छन् । आन्तरिक रूपमा ’साइफर’ भनेर चिनिने केबलले अमेरिकी विदेश मन्त्रालयले खान विरुद्ध कसरी प्रयास गरेको थियो भन्ने खुलासा गरेको थियो। विदेश मन्त्रालयले इमरान खानलाई हटाए अमेरिकासँगको सम्बन्धमा सुधार आउने वाचा गरेको थियो । यदि तिनीहरूलाई हटाउन सकिएन भने सम्बन्ध पूर्ण रूपमा समाप्त हुन सक्छ ।
इन्टरसेप्टले पाकिस्तानी सेनाको अज्ञात स्रोतबाट यी कागजातहरू प्राप्त गरेको दाबी गरेको छ। उक्त व्यक्तिले इमरान खान वा उनको पार्टीसँग आफ्नो कुनै सरोकार नभएको बताएका थिए । अमेरिकाका लागि पाकिस्तानी राजदूत र विदेश मन्त्रालयका दुई अधिकारीबीचको भेटवार्ता विगत डेढ वर्षदेखि देशमा छानबिन, विवाद र अनुमानको विषय बनेको छ ।
खानका समर्थकहरू र उनका सैन्य तथा नागरिक लगातार प्रर्दशन गरिरहेका छन् । अगस्ट ५ मा भ्रष्टाचारको आरोपमा खानलाई तीन वर्षको जेल सजाय सुनाएपछि त्याहा राजनीतिक द्वन्द्व चर्किएको छ । पछिल्लो समय त झन खानलाई चुनाव लड्न प्रतिबन्ध लगाएर संसद विघटन गर्दै नयाँ चुनावको तयारी गरिएको छ ।
पाकिस्तानका सबैभन्दा लोकप्रिय राजनीतिज्ञ इमरानलाई इस्लामाबाद उच्च अदालतले दिएको सजायसँगै निर्वाचन आयोगले पाँच वर्षसम्म चुनाव लड्न प्रतिबन्ध लगाएको छ । तर खानका समर्थकहरूले उनीमाथि लगाइएको आरोपलाई निराधार भनेका छन् ।
