७ भदौ, काठमाडौं ।
अर्थमन्त्री विष्णुप्रसाद पौडेलले नयाँ सरकार बनेको एक महिनामै २० प्रतिशतले राजस्व संकलन बढेको दाबी गरेका छन् ।
उपप्रधानमन्त्रीसमेत रहेका पौडेलले शुक्रबार काठमाडौँमा आयोजित एक कार्यक्रममा यस्तो दाबी गरेका हुन् ।
मन्त्री पौडेलले गत आर्थिक वर्षको साउन महिनामा संकलन भएको राजस्वको तुलनामा चालु आर्थिक वर्षको साउन महिनाको राजस्व २० प्रतिशतले वृद्धि भएको जानकारी दिए ।
वर्तमान सरकार गठन भएको एक महिनाको अवधिमा अर्थतन्त्रका केही सूचकहरूमा सकारात्मक संकेतहरू देखापरेको उनको दाबी छ ।