२६ असार, विराटनगर ।
अविरल वर्षाका कारण विराटनगरको पुर्वी सिमाना भएर बग्ने सिंघीया खोलाको जलस्तर बढदै गएपछि खोला किनारका बासिन्दा त्रसित भएका छन् । निरन्तर परिरहेको बर्षाको पानीका कारण खोलाको जलस्तर बढदै गएपछि खोला किनारका वासिन्दा त्रसित भएका हुन् ।
खोलाको जलस्तर बढदै गएर फेरीपनि बाढी आउने हो कि भन्ने चिन्ता खोला किनारका सुकुम्बासी परिवारमा छाएको छ । सो खोला किनारमा हजारौं सुकुम्बासी परिवार बर्षौदेखि घरटहरा बनाएर बसोबास गर्दै आएका छन् । २०७४ साल साउन २८ र २९ गते आएको बाढीले खोला किनारका सम्पूर्ण सुकुम्बासी परिवारमा क्षति पु¥याएको थियो । सो समयमा भारी क्षति बेहोरेका सर्वसाधारण खोलाको जलस्तर बढदै गएपछि रातरातभरि जाग्राम बस्न बाध्य भएका छन् ।
निरन्तर भइरहेको बर्षाका कारण खोलाको बढ्दै गएको जलस्तरले जुनसुकै बेला बाढीको रुप लिने र घरबार छाड्नुपर्ने आशंकाले उनीहरुलाई सताएको छ । कटहरी र विराटनगरको सिमाना भएर बग्ने सिंघीया खोला किनारको दुवैतर्फ सुकुम्बासी परिवारले बर्षाँै अघिदेखि घरजम गरेर बसोबास गर्दै आएका छन् ।
