विराटनगर,जेठ ५ ः आईपीएलमा पछिल्ला दुई खेलबाटै सन्दिप लामिछानेले आफु सुरुवाति खेलहरुमा नै अवसर पाउन योग्य भएको कुरा सावित गरेका छन् ।
डेब्यु खेलभन्दा अझ निखारिएको प्रदर्शन गरेका सन्दिपले दिल्ली डेयरडेभिल्सले चेन्नाई सुपर किङ्गसमाथि ३४ रनको जित हात पार्दा सुरेश रैना र महेन्द्र सिंह धोनीको साझेदारी तोड्न सफल भए ।
डेब्यू खेलमा एक विकेट लिएर २५ रन दिएका उनले चेन्नाई विरुद्ध रैनाको विकेट लिँदै धानी र रैनाको साझेदारी तोडेका थिए ।
सन्दिपले बलिङ गरेको १४ औं ओभरको पहिलो बलमा रैनाले सन्दीपको फुललेन्थ गुगलीलाई सही जज गर्न सकेनन् र उनी स्वायर लेगमा क्याच हुन पुगे । दिल्लीको जितमा रैनाको विकेट महत्वपूर्ण रहृयो ।
चेन्नाई विरुद्धको खेलमा सन्दिपले चार ओभर वलिङ गर्दै १ विकेट लिएर मात्र २१ रन दिए ।
१७ बर्षकै उमेरमा आईपीएलमा डेब्यु गर्ने मौका पाएका उनले रोयल च्यालेन्जर्स बैंग्लोरका विराट कोहली र एबी डिभिलियर्सविरुद्ध बलिङ गर्ने मौका पाए भने उत्कृष्ट प्रदर्शन गरे। तर त्यो खेलमा उनको टिम बैंग्लोरसँग हार्न पुग्यो ।
प्लेअफमा नपुगी समुहचरणबाटै बाहिरीसकेको दिल्लीको आईपीएलमा अब आइतबार हुने खेल मात्र बाँकी छ ।
दिल्लीले सन्दिपलाई अघिल्ला खेलहरुमा मौका नदिँदा उनलाई आईपीएलमा खेल्ने मौका नै नदिने हो कि भन्ने सबैले सोच्न थालीसकेका थिए । तर, दिल्ली समूह चरणबाटै बाहिरिने निश्चित भएसँगै उनलाई बाह्रौँ खेलमा खेल्ने मौका दिइएको थियो ।
अन्तिममा खेल्ने मौका पाए पनि लगातार दुई ठूला टिमविरुद्धको प्रदर्शनले उनी आफु यसअघि नै मौका पाउन योग्य भएको भन्ने देखाएका छन् र आफ्नो प्रर्दशनले दिल्लीको ध्यान आफुतिर खिचेका छन् ।
अब दिल्लीको अन्तिम खेल मुम्बई इन्डियन्सविरुद्ध छ । यदि यो खेलमा पनि सन्दीपले खेलेमा सम्भवतः राेहित शर्मा विरूद्द बलिङ गर्ने अवसर जुर्नेछ ।
कुनै पनि नेपाली आईपीएलमा खेल्न पाउनुमात्रै पनि नेपालीहरुका लागि खुसिको कुरा हो । सन्दिपले खेल्ने अबसर पाउनुका साथै उत्कृष्ट प्रर्दशन पनि गरे । अहिले सम्मको प्रदर्शनमा सन्दिप बेस्ट इकोनोमिक बलिङमा जारी आईपिएलकै पहिलो नम्बरमा छन् ।
सन्दीपको प्रदर्शन यस्तै रहे टिमको प्रदर्शन जस्तो रहे पनि उनका लागि यो आईपीएल अविश्मरणीय हुनेछ । किनकी उनले क्रिकेटका हस्तीहरुविरुद्ध बलिङ गरी उत्कृष्ट प्रर्दशन गरेका छन् ।
उनको यो आईपीएल यात्रा नेपालीका लागि सम्झनलायक रहने छ । सन्दिपको यो प्रर्दशनले अरु नेपाली खेलाडीलाई पनि आईपीएलमा छनौट हुने मौका मिल्न सक्छ ।
