१६ जेठ, विराटनगर ।
प्रधानमन्त्री केपी शर्मा ओली बिहीबार नयाँदिल्ली जाँदैछन् । भारतीय प्रधानमन्त्री नरेन्द्र मोदीको सपथग्रहण समारोहमा सहभागी हुन ओली दिल्ली जान लागेका हुन् ।
प्रधानमन्त्री सचिवालयका अनुसार ओली आज दिउँसो १ बजेर ३५ मिनेटको उडानबाट दिल्ली जानेछन् । बिहीबार नै साँझ७ बजे मोदीको सपथग्रहण समारोहमा सामेल हुनेछ । मोदीसँग द्विपक्षीय वार्तापछि ओली शुक्रबार स्वदेश फर्किने छन् । यस अघि मोदीको पहिलो प्रधानमन्त्री कार्यकालको सपथग्रहण समारोहमा दक्षिण एसियाली मुलुकका सरकार प्रमुखलाई बोलाइएको थियो भने यति बेला मोदीको दोस्रो प्रधानमन्त्रीको सपथग्रहण समारोहमा विमस्टेक राष्ट्रका सरकार तथा राष्ट्र प्रमुखहरुलाई बोलाइएको छ । तर, पाकिस्तानका प्रधानमन्त्रीलाई भने बोलाइएको छैन ।
त्यसबेला तत्कालीन प्रधानमन्त्री सुशील कोइराला सहभागी भएका थिए । मोदीको समथग्रहण समारोहमा मोरिसस थाइल्याण्ड र चेक गणतन्त्रका सरकार प्रमुखहरुको बाक्लो सहभागीता रह्नेछन् ।मोदीको दोस्रो कार्यकालको सपथ ग्रहण समारोह हालसम्मकै भव्यहुने भारतीय सञ्चार माध्यमहरुले बताएका छन् । मोदीको सपथग्रहण समारोहमा सार्क राष्ट्र मुलुकभित्रै पर्ने अफगानिस्तान, पाकिस्तान, र मालदिभ्सका सरकार प्रमुखलाई भने निम्तो नदिइएको भारतीय सञ्चारमाध्यमहरुले बताएका छन् ।
