प्रतिनिधि र प्रदेशसभा निर्वाचनमा काठमाडौंको प्रदर्शनीमार्गस्थित रत्नराज्यलक्ष्मी क्याम्पस (आरआर) मा अध्ययन गरेका आधा दर्जन पूर्वविद्यार्थी निर्वाचित भएका छन् ।
विजयी पूर्वविद्यार्थी सबै एमाले र माओवादी केन्द्रका छन् । आजको अन्नपूर्ण पोस्टमा खबर छ ।
आरआरका विद्यार्थी नेता
-राजेन्द्रकुमार राइ, भोजपुर प्रदेशसभा क बाट विजयी
(उनी दुई पटक आरआरमा अनेरास्ववियुको अध्यक्ष भए । ०४९ मा स्ववियु सभापति बने)
-विशाल भट्टराई, खोटाङबाट प्रतिनिधिसभामा निर्वाचित
(०४९ मा अनेरास्ववियुको प्रारम्भिक कमिटि अध्यक्ष भएका थिए)
-यज्ञराज सुनुवार, ओखलढुंगाबाट प्रतिनिधिसभामा निर्वाचित
(०५३ मा महेन्द्ररत्न मा स्ववियु सभापति बने । एक कार्यकाल त्यहाँ सभापति भएपछि दोस्रो पटक आरआरमा स्ववियु सभापति भए)
-कृष्ण राई, काठमाडौं ३ बाट प्रतिनिधिसभामा निर्वाचित
(आरआरकै पूर्वविद्यार्थी तथा अनेरास्ववियु नेता थिए)
-विना मगर, कञ्चनपुर १ बाट प्रतिनिधिसभामा निर्वाचित
(उनी आरआरकी पूर्व विद्यार्थी हुन् । ०५७ मा तत्कालिन माओवादी निकट विद्यार्थी संगठनबाट आरआरमा स्ववियु सदस्यकी उम्मेदवार बनेकी मगर पराजित भएकी थिइन् । ०६५ को स्ववियु निर्वाचनमा सरस्वती क्याम्पसबाट सभापतिमा विजयी भइन्)
त्यस्तै, योगेश भट्टराई महेन्द्ररत्न क्याम्पस ताहाचलमा स्ववियु सभापति भएका थिए ।
काडमाडौं ४ बाट प्रतिनिधिसभामा निर्वाचित गगन थापा पनि ०५५ सालमा त्रिचन्द्र क्याम्पसमा स्ववियु सभापति भएका थिए ।
