विराटनगर, जेठ ११
इटहरी उपमहानगरपालिकाका मेयर द्वारीकलाल चौधरीले पत्रकारमाथि अभ्रद व्यवहार गरेको तिन दिन बितिसक्दा पनि बिभिन्न सञ्चार माध्यामका पत्रकारलाई निशाना बनाएर अभिव्यक्ति दिने क्रम नरोकिएको भन्दै महासंघले गम्भीर ध्यानाकर्षण भएको जनाएको छ ।
पत्रकार महासंघ सुनसरीले शनिबार एक विज्ञप्ति जारी गर्दै मेयर चौधरीलाई पत्रकार माथि गरेको दुब्र्यवहारमा सार्वजनिक माफी र प्रेसप्रतिको दुष्टिकोण चित्तबुझ्दो गरि सार्वजनिक गर्न ४८ घण्टे अल्टिमेटम दिएको हो ।
समाचार संकलनको लागि प्रतिक्रिया लिन पुगेका पत्रकारद्धय विकल रेग्मी र कृष्णबहाव भट्टराईलाई मेयरबाट गाली गलौज हुनु र फेरि बिभिन्न सञ्चार माध्यामका पत्रकारलाई निशाना बनाएर अभिव्यक्ति दिँदा यसले स्थानीय सरकारको प्रेसप्रतिको दुष्टिकोणमै गम्भिर प्रश्न उठेको महासंघको बुझाइ छ ।
दुई दिनपछि इटहरी उपमहानगरपालिकाकी उपमेयर लक्ष्मी गौतमद्वारा जारी विज्ञप्तिप्रति पनि महासंघ शाखाको ध्यानाकर्षण भएको जनाएको छ । विज्ञप्ति पत्रकार पेसामा लागेकाको स्वाभिमाननको सम्मान गर्ने नभएको हुदाँ ४८ घण्टा भित्र मेयर चौधरीले पत्रकार माथि गरेको दुब्र्यवहारमा सार्वजनिक माफी र प्रेसप्रतिको दुष्टिकोण चित्तबुझ्दो गरि सार्वजनिक गर्नुपर्ने महासंघको माग रहेको छ ।
