Nepal Times
Nepal Times
3
Shares

एमसीसीसँग नेपाल ११३ रनले पराजित

एमसीसीसँग नेपाल ११३ रनले पराजित

२३ कात्तिक, काठमाडौँ ।
नेपाली क्रिकेट टोलीले मेरिलेबोन क्रिकेट (एमसीसी) सँग भएको टि–ट्वान्टी खेलमा लज्जास्पद हार बेहारेको छ । शनिबार काठमाडौँको टियू मैदानमा भएको खेलमा नेपाल एमसीसीसँग १ सय १३ रनको फराकिलो अन्तरले पराजित भएको हो ।

जितमा लागि १ सय ९० रनको विजयी लक्ष्य पछ्याएको नेपाली मिश्रीत टोली १३.१ ओभरमा अल आउट हुँदै ७६ रनमा समेटियो । नेपालका कुनै पनि ब्याट्सम्यानले राम्रो प्रर्दशन गर्न सकेनन् । नेपालले सुरुवात देखीनै खराब प्रर्दशन गर्यो । दोस्रो ओभरको चौथो बलमा आशिफ शेखलाई ओलिभर डल्बीले ४ रनमा क्याच आउट गराए ।

तेस्रो ओभरको पाँचौ बलमा कुशल भर्तेल ३ चौका सहित १४ रनमा क्याच आउट भए । ओलिभरले चौथो ओभरको पाँचौ बलमा अमित श्रेष्ठलाई १ रनमा आउट गराए । कप्तान रोहित कुमार पौडेल ६ र सन्दीप जोरा १६ रनमा आउट भएपछि नेपाल ७.१ ओभरमा ४४–५ को कमजोर अवस्थामा पुगेको थियो । १२ औं ओभरको पहिलो बलमा एड योङले भिम सार्कीलाई १३ रनमा बोल्ड आउट गरे । भिम आउट भएको एक बलपछि कमल सिंह ऐरी ठूलो सटको धुनमा शून्यमा डक आउट भए ।

१३ औं ओभरको दोस्रो बलमा राशिद खान १८ रनमा क्याच आउट भए । उनले २ चौका र १ छक्का प्रहार गरे । १३ औं ओभरमा जितेन्द्र मुखियालाई एड योङले एक हातले क्याच लिदै शून्यमा आउट भए । एमसीसीका एड योङले ३, ओलिभर डल्बीले र क्रिस राइट्सले समान २ विकेट लिए ।

त्यसअघि टस जितेर ब्याटिङ थालेको एमसीसीले निर्धारित २० ओभरमा ७ विकेट गुमाउँदै १ सय ८९ रन बनाएको थियो । एमसीसीका लागि बिली गोडलम्यानले ३० बलमा ४ चौका र ४ छक्का सहित सर्वाधिक ५४ रनको योगदान दिए । उनलाई राशिद खानले १२ ओभरको तेस्रो बलमा लङअफमा भिम सार्कीबाट उत्कृष्ट क्याच गराउँदै पेभिलिएन फर्काए । त्यस्तै एड योङले ४२ रनमा क्याच आउट भए ।

कमलसिंह ऐरीले तेस्रो ओभरको पाँचौ ओभरमा ओपनर माइल्स हमान्डलाई ३३ रनमा आउट गरे । उनले १३ बलमा ४ चौका र २ छक्का प्रहार गरे । राशिद खानले पाँचौ ओभरको चौथो बलमा टम वेस्ट्लीलाई ८ बलमा ३ चौका सहित १३ रनमा कप्तान रोहित कुमार पौडेलबाट क्याच आउट गराए ।

राशिद खानले सातौं ओभरको दोस्रो बलमा कप्तान जिमी एडम्सलाई ५ रनमा कुशल भुर्तेलबाट क्याच आउट गराए । जितेन्द्र मुखियाले आठौं ओभरको पाँचौ बलमा भिम सार्कीबाट विल रोड्सलाई १ रनमा क्याच आउट गराए ।

सुसन भारीले १५ ओभरको पहिलो बलमा कुशलबाट विल भानडसपारलाई ४ रनमा क्याच गराउँदै पेभिलिएन फर्काए । राशिद खानले ४ ओभरमा २२ रन खर्चेर ३ विकेट लिए । कमल सिंह ऐरी, जितेन्द्र सिंह मुखिया, सुसन भारी र अभिनास बोहोराको समान १ विकेट लिए ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.