२० जेष्ठ, २०७६
यही जेठ २२ गतेदेखि काठमाडौंको भृकुटीमण्डपमा ‘३० औं राष्ट्रिय लघु घरेलु तथा साना औद्योगिक प्रर्दशनी–२०७६’ आयोजना हुने भएको छ ।
नेपाल घरेलु तथा साना उद्योग महासंघले सोमबार काठमाडौंमा पत्रकार सम्मेलन गरी सो प्रर्दशनी जेठ २२ गतेदेखि आयोजना गर्न लागिएको जानकारी गराएको हो । यस अघि महासंघले सो प्रर्दशनी बैशाख २६ गतेदेखि ३० गतेसम्म गर्ने घोषणा गरेको थियो । तर समय अभावमा कारण त्यतिखेर आयोजना गर्न नसकिएको सो प्रर्दशनी आगामी बुधबारबाट सुरु हुने महासंघका अध्यक्ष श्यामप्रसाद गिरीले जानकारी दिनु भयो ।
नेपालको घरेलु तथा साना उद्योगहरुको उत्पादन अन्तराष्ट्रिय बजारमा समेत प्रवद्र्धन गर्ने उद्देश्यका साथ सो प्रर्दशनी आयोजना गरिएको हो । पाँच दिनसम्म चल्ने प्रर्दशनीमा ७७ वटै जिल्लाका घरेलु उत्पादनहरुको करिव २ सय वटा स्टलहरु रहनेछन । प्रर्दशनीको १ लाख ५० हजारभन्दा बढिले अवलोकन गर्ने तथा ५ करोड बढि आर्थिक कारोबार हुने अपेक्षा गरिएको छ ।
