वीरगन्ज,फागुन ८
वीरगन्ज महानगरपालिका नगर प्रमुख विजय कुमार सरावगीले कृषि व्यवसायलाइ अझ प्रभावकारी बनाउन कृषि बिउ व्यवसायीहरुलाई अनुरोध गरेका छन् ।
नेपाल बिउ व्यवसायी संघ प्रदेश नम्बर २ दोश्रो वार्षिक साधारण सभाको उद्घाटन कार्यक्रममा बोल्दै नगर प्रमुख सरावगीले यस्तो धारण व्यक्त गर्नुभएको हो ।उनले सुहाउँदो माटो,हावापानि अनुसार वीजले मात्र कृषकको अपेक्षा अनुसारको वाली उत्पादन हुने भएकोले त्यसै अनुसारको बीउ बिक्रिले बिउ व्यवसाय क्षेत्र प्रभावकारी हुने बताए ।
नगर प्रमुख सरावगीले नेपाल कृषि प्रधान मुलुक भएपनि राज्यको उदासिनताले यो क्षेत्रथलो पर्दै गएको बताउँदै महानगर भित्रको कृषिलाई प्रभावकारी बनाउन कृषि कर्मचारी,विउ व्यवसायी र महानगरपालिकाले संयुक्त रुपमा सहकार्य गर्न आफु तैयार रहेको बताए ।
प्रदेश अध्यक्ष सुनिल कुमार साहको अध्यक्षतामा सम्पन्न भएको कार्यक्रममा कृषि अनुसन्धान केन्द्र परवानीपुरका निर्देशक तुर्फेल अख्तर,विउ व्यवसायी संघका केन्द्रिय उपाध्यक्ष छोटेलाल साह,डा रामचन्द्र यादव ,डा कैलास प्रसाद फुर्तेल लगायतका व्यक्तिहरुले मधेसको कृषिको अवस्था र बिउ व्यवसायको चुनौती बारेमा धारणाहरु राखेका थिए ।
