२ साउन, मोरङ।
मोरङको केरावारी गाउँपालिकाका अध्यक्ष रोहित कार्कीमाथि कार्यकक्षमै कुटपिट गरिएको छ । धारिलो हतियासहित अध्यक्षमाथि कुटपिट गर्ने १ जनालाई प्रहरीले नियन्त्रणमा लिएको छ ।
शुक्रबार बिहान साँढे ११ बजेको समयमा गाउँपालिकाको कार्यालयमा ठेक्का पट्टाको बिषयलाई लिएर अध्यक्षलाई कुटपिट गर्ने केरावारी गाउँपालिका १० का ३२ बर्षीय भवन ठकुरीलाई प्रहरीले नियन्त्रणमा लिएको हो ।
ठकुरीको साथबाट १ थान चक्कु र १ थान खुकुरी समेत बरामद भएको छ । कुटपिटबाट घाईते भएका अध्यक्ष कार्कीको नोवेल अस्पताल बिराटनगरमा उपचार भईरहेको तथा घटना सम्बन्धमा थप अनुसन्धान भईरहेको ईलाका प्रहरी कार्यालय बेलवारीले जनाएको छ ।
