१४ पुष , एजेन्सी ।
दक्षिण कोरियामा भएको विमान दुर्घटनामा मृत्यु हुनेको संख्या ६२ पुगेको छ । १ सय ७५ जना यात्री र ६ जना चालकदलका सदस्य रहेको जेजु एयरको विमान आज विहान अवतरणका क्रममा दुर्घटना भएको थियो ।
योनहाप समाचार समितिका अनुसार थाइल्याण्डको राजधानी बैङ्ककबाट कोरियाको मुआन अन्तर्राष्ट्रिय विमानस्थलमा अवतरणका क्रममा धावनमार्गमा चिप्लिएर पर्खालमा ठोक्किएको थियो । मुआन एयरपोर्टमाअवतरण गर्ने क्रममा विमानको ल्यान्डिङ गियर खराब भएको जनाइएको छ ।
त्यसपछि विमान विमानस्थलको बारमा ठोक्किएको थियो ।योनहाप समाचार एजेन्सीका अनुसार विमानमा १७३ जना दक्षिण कोरियाली र दुईजना थाइल्यान्डका नागरिक सवार थिए । ल्यान्डिङ गियरको खराबीका कारण आइतबार मुआन अन्तर्राष्ट्रिय विमानस्थलमा यात्रुवाहक विमान दुर्घटनाग्रस्त भएको पहिलो पटक अवतरणको प्रयास असफल भएपछि दुर्घटना अवतरण गर्ने प्रयास गरेको अधिकारीहरूले बताएका छन्।
बैंककबाट कूल १८१ यात्रु बोकेको जेजु एयरको उडान मुआन अन्तर्राष्ट्रिय विमानस्थलमा बिहान ९ः०७ मा अवतरण गर्न खोज्दा धावनमार्गबाट चिप्लिएर बारसँग ठोक्किएर दुर्घटना भएको हो । योन्ह्यापले नै अर्को समाचारमा ल्यान्डिङ गियरमा खराबीका कारण विमान दुर्घटनामा परेको उल्लेख गरेको छ ।
दुर्घटनाअघि नै विमानमा समस्या देखिएको समेत अधिकारीहरुलाई उदृत गर्दै समाचारमा उल्लेख छ । विमान धावनमार्गको अन्त्यमा नपुग्दासम्म आफ्नो गति घटाउन असफल भएको देखिन्छ भने विमानस्थलको बाहिरी छेउमा रहेको संरचनामा ठोक्किएको सार्वजनिक भिडियो फुटेजहरुमा देखिन्छ । लगत्तै विमानमा आगलागी भएको देखिन्छ ।
