७ मंसिर, एजेन्सी ।
सन् १९५०–५३ सम्मको कोरियाली युद्धमा मारिएका २५ चिनियाँ सैनिकको शव बुधवार दक्षिण कोरियाबाट चीन फिर्ता पठाइएको छ । राजधानी सियोलको पश्चिममा रहेको इन्चेनमा युद्ध समाप्तिको ७५ वर्षपछि २५ वटा शवलाई कफिनमा राख्ने कार्यक्रम आयोजना गरिएको थियो ।
भेटेरान्स मामिलाका उपमन्त्री चाङ झेङगुओको नेतृत्वमा चिनियाँ प्रतिनिधिमण्डल, दक्षिण कोरियास्थित चिनियाँ दुतावासका अधिकारीहरू, चिनियाँ विद्यार्थी र दक्षिण कोरियामा रहेका चिनियाँ कम्पनीका प्रतिनिधिहरूका साथै दक्षिण कोरियाली रक्षा मन्त्रालयका अधिकारीहरू र उत्खनन र पहिचानका कर्मचारीहरू सहभागी थिए ।
चिनियाँ जन स्वयंसेवक ( सिपिभी) शहीदहरूको अवशेषको लागि अस्थायी बस्तीमा फूलको टोकरी राखिएको थियो । चिनियाँ प्रतिनिधिमण्डलका सबै सदस्यहरूले सीपीभी शहीदरूप्रति तीन पटक पुष्पचुच्छा अर्पण गरेका थिए । चिनियाँ पक्षको स्मारक सेवापछि दक्षिण कोरियाली पक्षले शवलाई कफिनमा राखेको थियो ।
सन् २०१४ देखि चीन र दक्षिण कोरियाले मानवीय सिद्धान्तहरू पालना गर्दै र मैत्रीपूर्ण र व्यावहारिक सहयोग सञ्चालन गर्दै लगातार ९ वर्षसम्म दक्षिण कोरियामा ९१३ सिपिभी शहीदहरूको अवशेष हस्तान्तरण गर्दै आएका छन् ।
उता दक्षिण कोरियाले सन् २०१८ को अन्तर–कोरियाली शिखर सम्मेलनपछि भएको लोकतान्त्रिक जनवादी गणतन्त्र कोरिया उत्तर कोरियासँगको सैन्य सम्झौता आंशिक रूपमा निलम्वन गर्ने निर्णय गरेको छ । बुधवार आंशिक रूपमा निलम्वित अन्तर–कोरियाली सैन्य सम्झौतालाई सियोलमा दक्षिण कोरियाका प्रधानमन्त्री हान डक–सूको अध्यक्षतामा भएको आकस्मिक मन्त्रिपरिषद् बैठकमा अनुमोदन गरिएको थियो ।
निलम्वित प्रभावकारिताको साथ, दक्षिण कोरियाले दुई कोरियालाई विभाजन गर्ने सैन्य सीमांकन रेखाको वरिपरि डिपीआरके बिरुद्धको निगरानी कार्यहरू पुनः स्थापित गर्नेछ । अप्रिल २०१८ मा, तत्कालीन दक्षिण कोरियाली राष्ट्रपति मुन जे–इन र शीर्ष डिपीआरके नेता किम जोङ उनले पानमुनजोम सैन्य सम्झौतामा हस्ताक्षर गरेका थिए ।
पछिल्लो समय अमेरिकाको सहयोगमा दक्षिण कोरिया उत्तरलाई उत्तेजित पार्ने गरी विभिन्न सैन्य गतिविधि संचालन गरिरहेको छ भने उत्तरले लगातार दक्षिण र अमेरिकालाई चेतावनी दिदै क्षेप्यास्त्रहरु प्रक्षेपण गरिरहेको छ ।
