१५ असोज, काठमाडौं । आज नेपालमा थप ११ जना कोरोना संक्रमितको मृत्यु भएको छ । योसंगै आजसम्म मृत्यु हुने संक्रमितको संख्या ५ सय ९ पुगेको छ ।
आज मात्र १ हजार ९ सय ११ नयाँ संक्रमित थपिएसंगै कुल संक्रमित हुनेहरुको संख्या ७९ हजार ७ सय २८ पुगेको छ ।
पछिल्लो २४ घण्टामा ९ सय ६१ जना डिस्चार्ज भएका छन् । योसंगै हालसम्म निको हुने संक्रमितहरुको संख्या ५७ हजार ३ सय ८९ पुगेको छ ।
आज देशभर २१ हजार ८ सय ३० जना सक्रिय संक्रमितहरु रहेका छन् र उनीहरुको विभिन्न अस्पतालमा उपचार भइरहेको छ ।