६ वैशाख, पोखरा । गण्डकी प्रदेशसभाको विशेष अधिवेशन वैशाख १३ गतेका लागि बोलाइएको छ ।
प्रदेश प्रमुख अमिक शेरचनले वैशाख १३ गते दिउँसो १ बजे का लागि प्रदेश सभाको अधिवेशन बोलाएका हुन् । यसअघि मुख्यमन्त्री पृथ्वीसुब्बा गुरुङले वैशाख १ को राति १२ बजे अचानक अधिवेशन अन्त्य गरेका थिए । नेपाली कांग्रेस, माओवादी केन्द्र र जनता समाजवादी पार्टीले मुख्यमन्त्री विरुद्ध अविश्वास प्रस्ताव दर्ता गर्दै विशेष अधिवेशनको माग गरेका थिए । सोही माग बमोजिम प्रदेश प्रमुखले प्रदेशसभाको विशेष अधिवेशन बोलाएका हुन् ।