५ भदौ, विराटनगर ।
इंग्लिस प्रिमियर लिग क्बल चेल्सीले पोर्चुगिज फरवार्ड जाओ फेलिक्सलाई अनुबन्ध गरेको छ । बुधबार चेल्सीले २४ वर्षीय फेलिक्सलाई स्पेनको एट्लेटिको मड्रिडबाट अनुबन्ध गरेको जानकारी दिएको हो ।
फेलिक्सलाई चेल्सीले ६ वर्षका लागि अनुबन्ध गरेको बताइएको छ । चेल्सीले एट्लेटिकोसँग ४० मिलियन पाउन्ड (५१ मिलियन अमेरिकी डलर) शुल्क लिन सहमत भएको हो ।
सन् २०२२-२३ को सिजनमा फेलिक्सको स्टामफोर्ड ब्रिजमा निराशाजनक प्रदर्शन रह्यो । २० खेल खेलेका उनले चार गोल गरे । पछिल्लो सिजन उनी लोनमा बार्सिलोना पुगेका थिए ।
तर, पुनः चेल्सीमा फेलिक्सको आगमन भएको हो । चेल्सी फर्किएपछि उनले भनेका छन्, ‘चेल्सी फर्किन पाउँदा म निकै नै उत्साहित छु । नयाँ सिजन खेल्न उत्तिकै आतुर छु ।’