२० कार्तिक , काठमाण्डौ ।
प्रचण्डको नेतृत्वमा माओवादीको बिचार र इतिहास मेट्नेगरी पार्टी एकता भएको भन्दै प्रचण्डसँगको राजनीतिक सम्बन्ध नै तोडेका जनार्दन शर्मा युद्धकालिन माओवादी शान्ति प्रक्रियामा आएदेखि माओवादीबाट सबैभन्दा बढी राजनीतिक लाभ लिने नेतामा पर्दछन् ।
वीस्तृत शान्ति सम्झौतापछि २०६३ सालको अन्तरिम व्यवस्थापिकाबाट सुरु भएर, पाँच पटक शक्तिशाली मन्त्री, दुई पटक संविधानसभा सदस्य दुई पटक सांसद र एक पटक सार्वजनिक लेखा समितिका सभापति भइसकेका जनार्दनले माओवादी पार्टीको नामबाट पाउनु बाँकी केही पनि छैन ।
प्रचण्ड ब्रिगिएको र आफूहरु मात्रै सुध्रिएको भन्दै जेनजी आन्दोलनपछि पार्टी नेतृत्व गर्ने सपना बुनेका जनार्दनले पटक पटक मन्त्री र सांसद बन्दा पनि देशलाई दिएको योगदानको चर्चा गर्ने उपलब्धि भने भेट्न मुस्किल छ ।
उनी उर्जामन्त्री हुँदा देशले लोडसेडिङबाट मुक्ति पायो तर त्यसको श्रेय कुलमानलाई जान्छ । उनको कार्यकालमा भएको यो उपलब्धि बाहेक जानर्दनका अन्य उपलिब्ध होइन विवादको चर्चाले शिखर चुमेको छ ।
२०७८ सालमा उनी अर्थमन्त्री हुँदा उनी इतिहासकै आलोच्य बने । विचौलियाको प्रभावमा परेर बजेट भाषणको अघिल्लो रात करका दरमा ठूलो हेरफेर भयो । शक्तिकै आडमा जानर्दनलाई सुनपानी छर्किएर फेरि मन्त्री बनाइयो ।
राज्यप्रतिको धोका उजागर हुने भयले सिसि क्यामेराको लाइन नै काटेर सुचना लिक हुनबाट रोकियो । अनि भनियो मुसाले लाइन काटिदियो । यसपछि नै उनले लाइन काट्ने मुसोको संज्ञा पाउन थाले । उनी माओवादी शान्ति प्रक्रियामा आएपछि महत्वपूर्ण शान्तिमन्त्री हुँदै उर्जामन्त्रीदेखि अर्थमन्त्री, गृहमन्त्री, बनिसकेका छन् ।
माओवादी नेताहरु नै भन्छन्, प्रचण्डलाई फकाउने, घुक्र्याउने, थर्काउने अनि चाप्लुसी गर्ने जनार्दनका विशेषता हुन् । तर पछिल्लो पटक अर्थमन्त्री र पार्टी महासचिव बन्ने उनको लक्ष्यमा प्रचण्ड सहमत नभएपछि उनी प्रचण्डमाथि नै जाइलागेको अहिले नेपाली कम्युनिष्ट पार्टीमा रुपान्तरण भएका नेकपा माओवादी केन्द्रका नेताहरु नै बताउँछन् ।
त्यसपछि लगातार प्रचण्डको नेतृत्वमाथि धावा बोल्दै धारेहात लगाएका जर्नादन प्रचण्डसँगको ४० वर्षदेखिको राजनीतिक उठबसलाई विराम लगाएर आफैलाई सर्वैसर्वा बनाएर प्रगतिशील अभियान सुरु गरेका छन् ।
जनार्दनको राजनीतिका बाटो केलाएपछि भन्नैपर्छ प्रचण्ड पनि उनीसहितका ७० कटेका शीर्ष ५ नेताले १० दलको कम्युनिष्ट पार्टीको जन्म गराएपनि उनी जेनजी आन्दोलनको भावना अनुरुपको विकल्प पक्कै होइनन् ।
तपाईको विचारमा जनार्दन कस्ता नेता हुन् ? उनले देशलाई अहिलेसम्म के दिए ? अब प्रगतिशील अभियानबाट के देलान् ? तपाईंको नजरमा उनी कस्ता नेता हुन् ? आशा, आशंका र आलोचना सबै कमेन्टमा लेख्नुहोस् ।
