३ मंसिर,एजेन्सी ।

अमेरिकाका राष्ट्रपति जो बाइडेनको राष्ट्रपतिको काउनडाउन सुरु भइसकेको छ । उनी अब केही समयका लागि मात्रै आफ्नो पदमा रहन्छन्,तर पनि उनी टेन्सन फ्रि हुनसकेका छैनन् । बाइडेनलाई कार्यकालको अन्तिम समयतिर पनि पाकिस्तानमा जेलमा रहेका पूर्वप्रधानमन्त्री इमरान खानका कारण प्रेसर थेग्नु परेको छ ।

करिब ५० अमेरिकी सांसदहरुले इमरान खान र अन्य “राजनीतिक कैदिहरुलाई” आफ्नोे कार्यकाल सकिनुअघि नै रिहा गर्नका लागि पाकिस्तान सरकारमाथि दबाव बढाउन राष्ट्रपति जो बाइडेनसंग अपिल गरेका छन् । बाइडेनको कार्यकाल २० जनवरीसम्म छ ।

पाकिस्तानको सत्तारूढ पीएमएल–एन र गठबंधन सहयोगी पीपीपीले अमेरिकी सांसदहरुको यो पहललाई पाकिस्तानको आंतरिक मामिलामा हस्तक्षेप भनेका छन् । शुक्रवार ४६ डेमोक्रेट र रिपब्लिकन सांसदहरुद्वारा यसबारेमा पत्र पठाइएको थियो ।

यो एक महिनाको अन्तरालमा दोस्रो पटक पठाइएको पत्र हो । पहिलो पत्रमा डेमोक्रेट्सको मात्रै समर्थन थियो । यो पत्रको शुरुआत डेमोक्रेटिक कांग्रेस वुमन सुसान वाइल्ड र उनका रिपब्लिकन समकक्षी जन जेम्सले संयुक्त रूपले गरेका थिए ।

पत्रमा हस्ताक्षर गर्ने ४६ मा २० रिपब्लिकनका हुन् । यो पत्रमा फेब्रुअरी २०२४ को चुनावपछि पाकिस्तानको “बिग्रदो मानवाधिकारको स्थिति” मा प्रकाश पारिएको थियो, जो कथितरुपमा “गलत” थिए र “ठूलो परिमाणमा अनियमितताहरु, चुनावी धोखाधडी, र पीटीआईको राज्य–प्रेरित दमन” बाट प्रभावित थिए ।

अमेरिकी सांसदहरुले “एच. रेस.९०१” को हवाला दिए, जुन सन २०२४ जूनमा भारी दुई दलहरुको समर्थनका साथ पारित एक प्रस्ताव हो, जसलाई अमेरिकी कारवाहीका लागि एक रूपरेखाका रुपमा हेरिन्छ । पत्रमा आरोप लगाइएको छ कि पाकिस्तानी अधिकारीहरुले चुनावअघि पीटीआईलाई यसबाट बाहिर गरिदिएको थियो ।

परिणामहरुमा धाँधली गरियो जुन पीटीआई समर्थित उमेद्वराहरुको पक्षमा थिए । र अंतराृष्ट्रिय संगठनहरु जस्तै कमनवेल्थ अजर्वर ग्रुप र यूरोपेली संघको चुनाव निगरानी रिपोर्टहरुलाई लुकाइयो । चुनावपछि, पत्रमा उल्लेख गरिएको थियो कि “स्थिति थप बिग्रियो” र “नागरिक स्वतंत्रताहरु, विशेषरूपले अभिव्यक्ति स्वतंत्रतामा भारी प्रतिबंध” लगाइयो ।

यसमा ठूलो मात्रामा गिरफ्तारिहरु, मनोमानी ढंगले हिरासतमा लिनु र सोशल मिडिया प्लेटफर्महरुमा “वास्तविक फायरवल” को प्रयोगको आलोचना गरिएको थियो । साथै इंटरनेटको गतिलाई सुस्त गर्ने प्रयासहरुको पनि निन्दा गरिएको थियो ।

अमेरिकी सांसदहरुको अपीलको मुख्य बिंदु इमरान खानको हिरासत थियो । पत्रमा भनिएको थियो कि इमरान खानलाई “पाकिस्तानको सबैभन्दा लोकप्रिय राजनीतिक व्यक्तित्व” मानिन्छ, जसको गिरफ्तारीले अंतर्राष्ट्रिय आलोचनालाई जन्म दिएको छ ।

अमेरिकी सांसदहरुले मनोमानी हिरासतमा संयुक्त राष्ट्र वर्किंग ग्रुप, एमनेस्टी इंटरनेशनल र अन्य मानवाधिकार संगठनहरुको निष्कर्षहरुको हवाला दिएका छन्, जसले पीटीआई संस्थापकको तुरंत रिहाईको माग गरेका छन् । जेलमा रहेका पीटीआई नेताहरु यास्मीन राशिद र शाह महमूद कुरैशीको पनि पत्रमा उल्लेख गरिएको छ ।

सांसदहरुले जोड दिएर भनेका छन्, “हामी अमेरिकी सरकारसंग तुरंत पूर्व प्रधानमंत्री खान र सबै राजनीतिक कैदिहरुको रिहाईका लागि वकालत गर्न आग्रह गर्दछौं” । यसका साथै उनीहरुले संयुक्त राष्ट्रको सिफारिशहरुका अनुसार उनको सुरक्षा सुनिश्चित गर्ने कुरामा पनि जोड दिएका छन् ।