किशोर विश्वकर्मा
विराटनगर, माघ २०
मोरङको बुढीगंगा गाउंपालिका स्थित टंकिसिनुवारी खानेपानि उपभोक्ता तथा सरसफाई समितिको साधारणसभा सम्पन्न भएको छ । बुढीगंगा गाउँपालिका– ३ स्थित सो संस्थाको ९ औँ साधारणसभा विभिन्न कार्यक्रम सहित सम्पन्न भएको हो ।
साधारणसभाको १ नं. प्रदेशसभाका सदस्य चुमनारायण तचबदारले गमलामा फुल रोपेर उद्घाटन गरे । सो अबसरमा बोल्दै प्रदेश सांसद तबदारले जलवायू परिवर्तनका कारण पिउने पानि संकटमा पर्न लागेको भन्दै पिउन योग्य पानिको उचित व्यवस्थापन गरिनुपर्ने बताए ।
उनले विश्वमा अब पिउने पानिका लागि युद्ध हुने बताउँदै पानिका श्रोतहरको उचित संरक्षणमा सवैले ध्यान पु¥याउनुपर्ने बताए । उनले पानि विनाको जिवन असम्भव रहेको बताउँदै जलवायू परिवर्तनले पानिका श्रोतमा पार्दै आएको असर न्यूनिकरणमा प्रदेश सरकारको ध्यान जान आग्रह गरे ।
कार्यक्रममा बुढिगंगा गाउँपालिकाका अध्यक्ष बालचन माझिले आगामी आर्थिक आर्थिक वर्षमा संघिय सरकारले खानेपानि विस्तारका लागि ५० करोड रुपैयाँ बजेट उपलब्ध गराउने र त्यसका लागि टंकिसिनुवारी खानेपानि उपभोक्ता तथा सरसफाई समितिले उपभोक्ता लगानी ५ करोड ढरौटी राख्नुपर्ने भएकाले गाउँपालिकाले साढे ३ करोड रुपैयाँ उपलब्ध गराउने प्रतिवद्धता जनाए ।
उनले बुढीगंगा गाउँपालिकामा एउटा मात्र खानेपानि आयोजना रहेकाले सो आयोजनाका लागि गाउँपालिकाले वर्षेनी बजेट विनियोजन गरिने आश्वासन दिए ।
कार्यक्रममा नेपाल कम्यूनिष्ट पार्टी (नेकपा) का १ नं. प्रदेश कमिटि सदस्य तथा बुढीगंगा गाउँपालिका स्थित मनमोहन पोटि टेक्निक इन्टीच्यूटका सुचना प्रमुख सत्यनारायण चौधरीले जलवायू परिवर्तनका कारण पानिका श्रोतहरु क्तमश सकिँदै गएकाले श्रोतहरु संरक्षणका लागि पहल थाल्नुपर्ने बताए । उनले नेपाल पानिको श्रोतका हिसावले विश्वमै धनी रहेकाले संसारको गिद्धे दृष्टि नेपाल माथि पर्न थालेको आरोप लगाए ।
कार्यक्रममा टंकिसिनुवारी खानेपानि उपभोक्ता तथा सरसफाई समितिका लागि योगदान दिनेहरुलाई सम्मानसमेत गरिएको छ । उत्कृष्ट कार्य गरेकोमा सो समितिका प्लम्वर विष्णु राजवंशी, सरस्वती आधारभुत विद्यालय व्यवस्थापन समितिका अध्यक्ष मो. हसनुद्धिन, प्रध्यानाध्यापक खगेन्द्र काफ्ले, जग्गादाता बैजनाथ माझिलाई सम्मान गरिएको थियो ।
कार्यक्रममा प्रमुख अतिथि प्रदेश सांसद तबदार, नेपाल कम्यूनिष्ट पार्टी (नेकपा) का १ नं. प्रदेश कमिटि सदस्य तथा बुढीगंगा गाउँपालिका स्थित मनमोहन पोटि टेक्निक इन्टीच्यूटका सुचना प्रमुख सत्यनारायण चौधरी, बुढीगंगा गाउँपालिका अध्यक्ष बालचन माझिलगायतलाई मायाको चिनो प्रदान गरिएको थियो ।
साधारणसभामा संस्थाका कार्यबाहक अध्यक्ष नवराज विष्टले प्रस्तुत गरेको वार्षिक प्रतिवेदन र आन्तरिक लेखा परिक्षण संयोजक राजन केसीले प्रस्तुत गरेको आर्थिक प्रतिवेदन सर्वसम्मतिले पारित गरिएको थियो । सो संस्थाले हाल सम्म १ हजार ७ सय ७५ घरधुरिमा धारा जडान गरेको छ ।
