किशोर विश्वकर्मा
विराटनगर, माघ ३
विराटनगरमा पहिलो पल्ट आजदेखी सुरुभएको अन्तर विद्यालय टि–२० मेयर कप क्रिकेट प्रतियोगितामा दिल्ली पब्लिक स्कुल विराटनगर विजयी भएको छ ।
दिल्ली पब्लिक स्कुलको खेलमैदानमा मार्टस् स्कुल र दिल्ली पब्लिक बिच आज भएको पहिलो खेलमा दिल्ली पब्लिक ७० रनले विजयी भएको हो ।
टस जितेर व्याटिङ गरेको दिल्ली पब्लिक स्कुलले निर्धारित २० ओभरमा ९९ रन बनाएको थियो । उसका लागि ऋषि महेश्वरीले सर्वाधीक २२ रन बनाएका थिए । त्यस्तै कुलदिप गौरले २१ रन बनाएका थिए ।
१०० रनको लक्ष्य सहित जवाफि व्याटिङमा उत्रिएको मार्टस स्कुल २८ रनमा अल आउट भयो । उसका कुनैपनि व्याटस्म्यानले दोहोरो अंकको रन बनाउन सकेनन् । दिल्ली पब्लिकका लागि कुलदिप गौरले १ ओभर २ बलमा सर्वाधिक ५ विकेट लिए ।
