१५ कात्तिक, काठमाडौं।
नेपालमा गत २४ घण्टामा २५०८ जना संक्रमित भएका छन् ।
स्वास्थ्य तथा जनसंख्या मन्त्रालयका अनुसार बितेको २४ घण्टामा देशभरका प्रयोगशालामा ९२७९ जनाको पीसीआर परीक्षण गर्दा २५०८ जनामा कोरोना भाइरस संक्रमण पुष्टि भएको हो । उपत्यकामा मात्रै १३५७ जना संक्रमित भएका छन् । काठमाडौंमा १११३, भक्तपुरमा ४९ र ललितपुरमा १९५ जना संक्रमित भए ।
मन्त्रालयका अनुसार पछिल्लो २४ घण्टामा २२६४ जना डिस्चार्ज भएका छन् । अहिलेसम्म डिस्चार्ज हुनेको संख्या १३१२२२ रहेको छ । नेपालमा निको हुनेको दर ७६.९ प्रतिशत रहेको छ ।