आजका प्रमुख खबरहरुः
१.(भूमि फिर्ता गर्)
मिचिएका नेपाली भूमि फिर्ता गर्न भारतसँग माग गर्दै मोहन बैद्य नेतृत्वको नेकपा (क्रान्तिकारी माओवादी)मा आवद्ध विद्यार्थी संगठनद्वारा लैनचौरस्थित भारतीय दुतावास अगाडि विरोध प्रर्दशन / भारतीय प्रधानमन्त्रीविरुद्ध चर्का नाराबाजी ।
२.(दृढता नटुटोस्)
भारतद्धारा अतिक्रमित भूमि फिर्ता लिन सरकार दृढतापूर्वक अघि बढेको प्रधानमन्त्री केपी शर्मा ओलीको प्रतिवद्धता / समस्या समाधानका लागि छिट्टै उचित कूटनीतिक संयन्त्रमार्फत् भारतसँग वार्ता प्रक्रिया अघि बढाइने प्रतिबद्धता ।
३.(डराए दाहाल !)
नेपाल–भारतबीचको सीमा समस्या समाधानका लागि तत्काल उच्चस्तरीय कूटनीतिक पहल गर्नुपर्ने नेकपाका अध्यक्ष पुष्पकमल दाहालको भनाई / सो समस्यालाई अन्तराष्ट्रियकरण गरिहाल्न भने नमिल्ने तर्क ।
४.(केही हुन्छ कि ?)
भारतले अतिक्रमण गरेका कालापानीलगायतका सीमा समस्या समाधानका लागि तत्काल उच्चस्तरीय राजनीतिक तथा कूटनीतिक पहल गर्न संसदीय समितिको सरकारलाई निर्देशन / दुई मुलुकबीचको सीमा सुरक्षा बलको बैठक मंसीर पहिलो हप्ता बोलाइयो ।
५.(गफै हो कि ?)
भारतद्धारा अतिक्रमित नेपाली भूमि फिर्ता हुनेमा ढुक्क हुन परराष्ट्रमन्त्री प्रदिप ज्ञवालीको आग्रह / कालापानी लगायतका नेपाली भूमि नेपालको हो भन्ने प्रमाण सरकारसँग रहेकाले भूमि गुमाउनु पर्छ कि भन्ने चिन्ता नदिन आग्रह ।
६.(मेडिकललाई अल्टिमेटम)
नेपाल सरकारको निर्णय नमान्ने मेडिकल संचालकहरुलाई कारबाही गरिने / विद्यार्थीका माग सम्बोधन गर्न मेडिकल कलेज सञ्चालकलाई १५ दिनको अल्टिमेटम / विद्यार्थीहरुका गुनासा सम्बोधन नभए ठगी मुद्दा चलाउने निर्णय ।
७.(केसीको अनसन)
डडेल्धुरामा अनसनरत प्राध्यापक डाक्टर गोविन्द केसीको समर्थन गर्दै भीड बढ्न थालेपछि प्रहरीद्वारा हस्तक्षेप / डडेल्धुरा सदरमुकाम तनावग्रस्त / यातायातका साधन ठप्प / केसीलाई लिन गएको सेनाको हेलिकप्टर रित्तै फर्कियो ।
८.(अफताबको आतंक !)
सांसद मोहम्मद अफताव आलमको थुनछेक बहसका क्रममा अर्का एक सरकारी साक्षीले पनि फेरे बयान / बयान दिएका भारतीय नागरिकले आफू बम विस्फोटमा नभई भान्सामा काम गर्ने क्रममा घाइते भएको निवेदन पेश ।
९.(आयोगलाई पूर्णता)
सत्तारुढ दल नेकपाद्वारा पार्टीको अनुशासन आयोगको अध्यक्षमा अमृतकुमार बोहोरा चयन /सचिवमा अशोक रोकाय, केन्द्रिय निर्वाचन आयोगको अध्यक्षमा विष्णुपुकार श्रेष्ठ तथा सचिवमा माधव पौडेललगायत चयन ।
१०.(धराने सचिव)
प्रदेश सरकार गठनको लामो समयपछि प्रदेश १ का मुख्यमन्त्री शेरधन राईद्वारा प्रमुख स्वकीय सचिव नियुक्त / कार्तिक २१ गतेदेखि लागू हुने गरी धरानका पूर्व विद्यार्थी नेता नवराज राई स्वकीय सचिवमा चयन ।
११.(सरकारी काम)
बैतडीको ग्वाल्लेकमा डोजरले महिला हुत्याएपछि गठन भएको छानबिन समितिद्वारा थपिएको म्याद सकिएको एक हप्ता बितिसक्दासमेत प्रतिवेदन बुझाउन सकेन / प्रमुख जिल्ला अधिकारी बिदामा रहेकाले उनी आउनेबित्तिकै प्रतिवेदन बुझाउने तयारी ।
१२.(परिवारै पक्राउ)
उद्योगपति पद्म ज्योतिलाई पक्राउ गर्न अदालतद्वारा पक्राउ पुर्जी जारी / रूप ज्योति पक्राउ परेको ल्यान्डमार्क जग्गा लेनदेन प्रकरणमै नेपाल उद्योग वाणिज्य महासंघका पूर्वअध्यक्षपद्म ज्योतिलाई पनि पक्राउ गर्न अदालतको आदेश ।
१३.(बित्तमा कडाई)
मुलुकको आर्थिक विकासमा केन्द्रित नहुने बैंक तथा वित्तिय संस्थाहरुलाई कडा कार्वाही गर्ने नेपाल राष्ट्र बैंकको चेतावनी / जनताको पैसा डुब्न नदिन सबै बैंक तथा वित्तिय संस्थाहरुमाथि कडा निगरानी राखिने ।
१४.(लज्जास्पद हार)
नेपाली राष्ट्रिय यू १९ टोली भारतसंग च्यालेन्जर्स सिरिजको पहिलो खेलमा १० विकेटले पराजित / नेपालले प्रस्तुत गरेको १ सय १७ रनको लक्ष्य भारतद्वारा २१ दशमलव १ ओभरमा विना विकेटको क्षतिमा पूरा ।
र,
१५.(बुलबुलको विनास)
बंगलादेश र भारतको तटीय क्षेत्रमा ‘बुलबुल’ नामक सामुद्रिक आँधीका कारण मृत्यु हुनेको संख्या २० पुग्यो / आँधी प्रभावित २० लाख भन्दा बढी व्यक्ति अस्थायी शिविरमा ।