आजका प्रमुख खबरहरुः
१.(सक्रिय घट्दै डिस्चार्ज बढ्दै)
नेपालमा थप २३ गरी हालसम्म ९ सय ७० जना कोरोना संक्रमितको मृत्यु /आज मात्रै २ हजार ८ सय २४ संक्रमित थपिदा ३ हजार ६ सय २० जना डिस्चार्ज /सक्रिय संक्रमितको संख्या ३७ हजार ७ सय ६५ पुग्यो ।
२.(नीति बदल्ने कि निर्देशन ?)
सरकारी निर्देशन अनुसार भन्दै सरकारी अस्पतालहरुले नै सूचना प्रकाशन गरी कोरोनाको उपचारमा धरौटी रकम माग गरेपछि धरौटी शुल्क नलिइ उपचार गर्न सरकारको निर्देशन /सूचना प्रकाशन गर्ने अस्पतालहरुलाई स्पष्टिकरण माग ।
३.(बीमा किन गर्नु ?)
सरकारले स्वास्थ्य बीमा गर्ने व्यवस्था गरे अनुसार बीमा गर्ने परिवारले सबै रोगको उपचारमा आर्थिक सुविधा पाउनुपर्ने भएपनि उपचारको कुनैपनि खर्चको भुक्तानी बोर्डले गरेन/ पीसीआर परीक्षणमा मात्रै ठूलो रकम खर्च हुने देखिएका कारण बोर्ड मौन ।
४.(नेकपामा भद्रगोल)
प्रधानमन्त्री केपी ओलीले अलग पार्टी बनाएर जान प्रस्ताव गरेको नेकपाका कार्यकारी अध्यक्ष पुष्पकमल दाहालको भनाई /खुमलटारको भेलामा प्रधानमन्त्रीले पार्टी फुटाउन चाहेको प्रचण्डको ब्रिफिङ /प्रचण्डले सरकारको नेतृत्व मागेको प्रधानमन्त्री निकट स्रोतको दावी ।
५.(प्रधानमन्त्रीवरुद्ध मुद्दा)
प्रधानमन्त्री केपी शर्मा ओली र स्वास्थ्यमन्त्री भानुभक्त ढकालले न्यायालयको फैसला अवज्ञा गरेको आरोपमा ‘अदालतको अवहेलना’को मुद्दा सामना गर्नुपर्ने /कोरोना परीक्षण र उपचार निःशुल्क हुनुपर्ने सर्वोच्चको फैसला उल्लंघन गरेको आरोपमा अदालतको अवहेलना निवेदन दर्ता ।
६.(विदेशमा आहत)
गएको हप्ता विदेशमा कार्यरत थप ९६३ नेपालीमा कोरोना सङ्क्रमण पुष्टि/अहिलेसम्म ४२ देशमा रहेका ४३ हजार ५६९ नेपालीमा सङ्क्रमण /३९ हजार ५६५ जना निको भए /हालसम्म २८४ नेपालीको मृत्यु ।
७.(फ्लुलाई चिनौं)
कोरोना संक्रमणको जोखिम रहेकाले मौसमी फ्लुका विरामीहरुलाई उच्च सतर्कता अपनाउन चिकित्सकहरुको आग्रह /सामान्य रुघाखोकी लाग्दैमा हतार हतार अस्पताल जादा अस्पतालबाट आफुलाई नभएको फ्लु समेत लिएर जाने सम्भावना रहेकाले सचेत रहन अपील ।
८.(एकता फापेन ?)
पार्टी फूटतर्फउन्मुख भएको नेकपा महासचिव विष्णु पौडेलको भनाई /पार्टीका दुई अध्यक्ष केपी शर्मा ओली र पुष्पकमल दाहालबीच पछिल्लो मतभेद सतहमा आएकै बेला नेकपाको एकीकृत अस्तित्व गम्भीर संकटमा परेको पौडेलद्वारा प्रस्ट ।
९.(मिलाउन हो कि भत्काउन ?)
कर्णाली प्रदेशमा मन्त्रिपरिषद् हेरफेरको तयारी भए पनि अन्तिम समयमा रोकियो / नेकपाका कार्यकारी अध्यक्ष पुष्पकमल दाहालले केही दिन मन्त्रिपरिषद् पुनर्गठन नगर्न भनेपछि मुख्यमन्त्री शाहीको तयारी रोकियो ।
१०.(उडान अड्काउँदै भारत)
नेपाल र भारतबीच चैत यता रोकिएको हवाई उडान अझै कम्तिमा एक महिना सुरु नहुने /भारत सरकारले ल्याएको ‘एयर बबल स्किम’ नेपाल सरकारले अस्वीकार गरेपछि नेपाल र भारतबीच तत्काल हवाई उडान सुचारु नहुने ।
११.(नेविसंघको काम )
आफ्नो संगठनका नेता कार्यकर्ताहरुलाई बिना कारण पक्राउ गरी झुठा मद्दा लगाइएको भन्दै नेविसंघको विरोध प्रदर्शन / प्रदर्शनमा सहभागिहरुले भौतिक दुरी भने कायम गरेनन्/कोरोना पीडित जनताको उपचारमा सरकार उदासीन देखिएको आरोप ।
१२.(सवारीको सहयोग)
लकडाउनले उठ्नै नसक्ने अवस्थामा पुगेको नेपालको अटो व्यवसायलाई दशैंले केही उकास्यो / विगत वर्षहरुमा सवा लाख बढी सवारी साधान आयात हुने गरेकोमा यो वर्ष करिब साढे ८३ हजार सवारी आयात ।
१३.(कैद मिनाहको तयारी)
हाल कारागारमा रहेका करिब ८ प्रतिशत कैदीले ‘वैकल्पिक कारागार’ का रुपमा घरमै बाँकी कैद सजाय भुक्तान गर्न पाउन सक्ने /वैकल्पिक कारागारमा बस्ने पाउने कैदीको संख्या १२ सय / १४ हजार ५ सय कैदी कारागारमा ।
१४.(ऋण बढेर के गर्नु ?)
चालु आर्थिक वर्षको पहिलो दुई महिनामा अघिल्लो वर्षको तुलनामा ५ सय ८१ प्रतिशतले बढी नेपाल सरकारलाई झण्डै ७८ अर्ब रुपैयाँ वैदेशिक ऋणको प्रतिबद्धता प्राप्त /वैदेशिक अनुदान र ऋण गरेर ८४ अर्ब ७ करोड रुपैयाँको प्रतिबद्धता ।
र,
१५.(सताउँदै कोरोना)
कोरोना संक्रमणबाट हालसम्म विश्वमा ज्यान गुमाउनेको संख्या १२ लाख नाघ्यो /४ करोड ६४ लाख बढीमा संक्रमण पुष्टि हुँदा ३ करोड ३५ लाख बढी संक्रमण मुक्त /बेलायतमा संक्रमण बढ्दै गएपछि दोस्रो चरणको लकडाउनको घोषणा ।
