विराटनगर, जेठ ८ ः कोशी राजमार्ग अन्तरगत संखुवासभाको खाँदबारी नगरपालिका– ९ मा सोमबार दिउँसो दुई जीप एक अर्कासंग ठोक्किएर दुर्घटना हुँदा नौ जना घाइते भएका छन् ।
खाँदबारीबाट तुम्लिङटार तर्फ जादै गरेको अरुण तेश्रो जलविद्युत परियोजनाको नाममा रही जिल्ला प्रहरी कार्यालयले प्रयोग गरेको को २ च १००७ नम्बरको जीप र विपरित दिशाबाट आउँदै गरेको को १ ज २०६८ नम्बरको जीप मध्यान्ह १२ बजेतिर खाँदबारी नगरपालिका ९ बडेनी मोडमा एक अर्कासंग ठोक्किंद दुर्घटना भएको हो ।
दुर्घटनामा परी को १ च २०६८ नम्बरको जीपमा सवार नौ जना सामान्य घाइते भएका छन्।
घाइतेहरुमा संखुवासभा खाँदबारी नगरपालिका– ९ बस्ने बर्ष ३१ की सिता मगर, बर्ष ३६ को नर बहादुर मगर, खाँदबारी नगरपालिका –८ बस्ने बर्ष ४० की सुमित्रा मगर, मकालु गाउँपालिका– ५ सोलाखानी बस्ने बर्ष १७ की सुनिता मगर, वर्ष ३९ की कल्पना मगर, वर्ष १३ को राजेश मगर, वर्ष १७ की अस्मिता मगर, वर्ष १२ की रमिला मगर र वर्ष ११ को सरोज मगर रहेक छन् ।
उनीहरुको हात र खुट्टामा सामान्य चोट लागेको छ । घाइते सबैलाई जिल्ला अस्पताल संखुवासभा उपचार भइरहेको जनाईएको छ ।
